شاركي في النقاش

سجلي الدخول لإضافة تعليق.

التعليقات

280
  1. @naaomh_btbaa

    صاحبة الموضوع
    اشوفك حلم
    بطللللللله يافشاره الله يقوي عزيمتنا ويساعدنا وننحف بصحه وعافيه
    مرحبا ياحلوات

    انا اليوم الثانى فى الاسبوع الرابع ونهاية الاسبوع عندى موعد مع الدكتور عشان الوزن

    الل يستر اليوم اكلت حبه معمول

    صح نهايه الاسبوع ان شاء الله اجيب معايه البرنامج الثالث والرابع ومشى عليها شهر مقدر كل اسبوعين اروح له
  2. @fgr27

    نعووووووومة
    كل يوم ادخل على يومياتك الله لايضركككك

    ماشاء الله استفدت كثير
  3. @sd_alkhafk

    نعومه بطبعى
    مشكوره حبوببببببببببببببه
    يمسيكم بالخير يالربع
    وش لونكم
    وش حالكم
    منذو مبطي وانا ادخل ع ذا الموضوع احسه حماااس
    ودي اكتب كم كلمه لصاحبة الموضوع خصوصا يوم شفت الي تقول حررررام ليش تحطين ألف عند الدكتور وحرامي وماحرامي
    الألف ممكن تصير ثلاثين ألف لو الوحده اهملت نفسها وزاد وزنها اكثر واكثر يبغالها عمليه تكميم ولاتحوير ولاتحزيم بعيد الشر عن وخيتي والمسلمين
    وألف كثير منا تحطها في فستان ولاشنطه وهي خرقه لاراحت ولاجت
    المهم
    الاخت نعومه تفكيرها سليم وهذا الي المفروض كل وحده دبدوبه تسويه تكسب عمرها وصحتها وجمالها وثقتها بنفسها..

    قبل فتره كنت في زواج وحده من جماعتنا اهل العروسه من ديره واهل العريس من ديره ثانيه وام العروسه عمرها 45 تقريبا بس شكلها 30 واهم مايميزها جسمها مرتب ومالها كرش وزنها تقريبا 60 _ 59
    كل من سأل من اهل العريس وين ام العروسه مايصدقون وحده منهم تقولها ماشاء الله كأنك عروسه توك متزوجه
    فالمقابل بنت خالت العروسه عمرها 20 ماتزوجت كانت جالسه قريب مني كل شويه البنات الي معها يقومون يرقصون ويفرفشون وهي ماتحركت من مكانها هي الوحيده الي جالسه ع الطاوله والباقين يرقصون
    قربت منها بحكم انها عزيزه عليِ قلتها بقول للعروسه انك مارقصتي بزواجها قالت الي مثلي تنثبر فبيتها ابرك لها .. سولفت معها شويه وفهمت انها متعقده من جسمها وشكلها ....
    بالله عليكم هالمواقف الي نشوفها قدامنا للرشيقات والدبيات ماتخلينا نشجع كل دبدوبه تنزل من وزنها وترتاح
    نعوووومه
    واصلي كل مادخلت لازم ازور موضوعك
    ودي اعرف كم صار وزنك بعد ثلاث اسابيع
    لاتغيبين كثير مستنينك :pinklove:
  4. @fsharh_foshy

    مشاء الله عليك نعومه باذن الرحمن راح تنحفين من غير شر يارب

    ولا يهمك حبة المعموا وان شاء الله ماتضرك


    انا يوم كان الحمد الله تمام التمام

    فطرت شابوره وجبنه قريش وشاهي
    وتغذيت سلطه وصدر دجاج

    وتعشيت لبن زبادي و2شابوره بر

    وسويت رياضه 5 دقايق ومشي نص ساعه

    والله يعطيك العافيه اختي الغاليه حلم اشوفك

    ويارب تنحفين من غير شر يارب

تابعي تجارب أخرى من هذا القسم.