صباحكم عسل يا أحلى صحبه .
اليوم أول يوم لي مع الدايت سنتر . وحبيت أشاركم تجربتي عشان الجميع يستفيد منها .
طبعا هذه مو أول مره أجربهم ... قبل كدا اشتركت معاهم واستفدت منهم الكثير .
تعلمت منهم الطريقة الصحيحه للأكل . وكيف الانسان يستطيع أن يفقد وزن عن طريق اتباع أربع قواعد أساسايه وهي :
أولا : تناول طعام صحي
ثانيا : بكميات قليله
ثالثا : شرب الكثير من الماء
رابعا : مزاولة أي نشاط رياضي في اليوم .
فقط لا غير . صدقوني الموضوع ليس سحر . ولا عملية جراحية .
الأمر ابسط من ذلك بكثير .
ولأن تجربتي معهم كانت ناجحه .. قررت أكررها حتى أصل الى الوزن المطلوب .
وحبيت أشاركم معي هذه التجربه عشان تستفيدو مثلي .
أنا وزني الحالي 74 كيلو
طولي 170
هدفي الأول : أودع السبعينات وأدخل عالم الستينات
الهدف الثاني : 65 كيلو
الهدف الثالث والأخير : 60 كيلو . يااااااااارب أوصلها وأنا وأنتم بأتم الصحه والعافيه .
الاشتراك معهم اذا كان مع متابعة أخصائية التغذيه بيكون ب 2000 ريال . مع توصيل الأكل الى البيت
وبدون اخصائيه 1400 ريال . مع توصيل الأكل الى البيت .
أنا في المرة السابقة أخذت مع الاخصائيه لأني كنت جديده في عالم الريجيمات ومحتاجه مسانده . كان وزني قريب ال 80 .كنت كارهه نفسي .
لكن هالمره راح أجرب البرنامج الي بدون أخصائيه . وهو نفسه فقط الفرق أخصائيه أو بدون .
الحين أنا بروح الجم . ( النادي الرياضي ) لممارسة رياضتي اليوميه .
بس أرجع باذن الله . راح افتح صندوق الأكل . وأصور لكم كل الوجبات الي فيه وأرسلكم الصور .
مدة الاشتراك 28 يوم . نجرب مع بعض ونشوف كم راح ينزل وزني بهالفترة .
اليوم الأربعاء 23 أكتوبر .
ادعولي ...
راجعتلكم باذن الله بعد شوي .
شاركي في النقاش
سجلي الدخول لإضافة تعليق.
التعليقات
29- ماشاءالله تبارك الله
خطوة رائعه في طريق الرشاقه
ربي يوفقك وتنحفي من غير شر
وموضوعك حلو وفكرة تصوير وجبات دايت سنتر احلى و احلى:biggrin:
ننتظرك ي الغلا - تسلمي يا غاليه .
على فكره الأكل ممكن نسويه في البيت . عادي .
بس أنا ما عندي وقت بصراحه عشان كذا اشتركت .
لكن أي وحده تتابع موضوعي هنا . بامكانها تسوي نفس الأكل في البيت . وأكيد بيطلع أطيب .
الفكره اننا نتعلم كيف ممكن ننظم أكلنا . وباذن الله بنقدر ننزل وزنا واحنا مرتاحين . - خطوه موفقه
اتعلمي من خلال هالشهر مقياس كل نوع اكل
اللحوم و الكارب و الاجبان و السلطات
و بعدها دوري في اليوتيوب تحت عنوان meal prep
بتلاقين اعداد الوجبات لاسبوع او خمس ايام بطريقه صحيه و جيده ويتبعها اغلب الرياضيين في امريكا
و لانهم هناك وقتهم مشغول اكثر من اوقات معظم العرب فا تلاقينهم يصرفون ساعتين فقط لتحضير وجبات الاسبوع
3 بالثلاجه والباقي بالفريزر و بس
جربي يمكن تلاقين افكار مناسبه لاسلوب حياتك
و عقبال ما ننزل كلنا ونشوف رقم 60 - بالتوفيق ي عسسل ..
كان لي تجربة سابقة معاهم وكان مقدار الخسارة في شهر ٤ كيلوز ..
بس م قدرت اكمل معاهم والسبب ملل م قدرت استمر على اكلهم فترة طويلة .. - في الصباح شربت النسكافيه عادي بس طبعا بدون سكر .
ومعاها قطعة هالكيك من صندوق الدايت سنتر .
طبعا كيكه خفيفه جدا . وكمان معاها لبن فيتال . علبه صغيره .
طبعا في مواقع كثير تعلمك كيف تسوي الأكل بطريقة صحيه .
يعني ممكن تعملي قالب من الكيك الصحي . وتاكلي قطعه وحده مثل الي في الصوره مع كاسة الشاي أو القهوه في الصباح
مواضيع مشابهة
تابعي تجارب أخرى من هذا القسم.