السلام عليكم ورحمة الله وبركاته
شحالكم ؟
كل سنة وانتو طيبين وعساها سنة حلوة علينه وعليكم ..
سنة يفرج فيها هم كل مهموم ..
وتنقضي حاجة كل محتاج..
ويشفى فيها كل مريض ..
وكل طالب ذرية ربي يرزقه يارب..
وانه هالسنة ان شاء الله بتكون عندي غير وغير ان شاء الله..
هالسنة راح احاول اغير فيها كل حياتي ...
وراح ابدأ بجسمي ..
شكثر مليت من السمنة ودي ارجع مثل قبل كل شي خاطري البسه احصله ..
ودي لين ادخل محل ما احاتي ان فيه مقاسي او لا
ودي اكشخ مثل كل البنات
امشي وانه واثقة من جسمي
ودي في الاعراس اقوم ارقص ولا استحي من احد
وشكثر بنات مثلي بهالشي ليش ما نخلي عندنه عزيمة ان هالسنة بنتغير ..
وبما انها اجازة احين فأبي اروح الجامعة الكل يستغرب من شكلي ..
راح ابدا بكرة بتاريخ 1/1/2014 ان شاء الله برجيم دشتي ..ومشي نص ساعة
انه جسمي من فوق تمام والارداف جدا كبار والمؤخرة معقديني (كمثري)
طولي :160
ووزني :105
طبعا اهدافي :
اولها انزل عن المئات ..
ابي انزل 50 كيلو ..
ابي يصير وزني 55 كيلو
يعني تقريبا نص وزني
وايد ناس حبطوني ما بتقدرين بس انه اقدر واقدر واقدر
وهذا تحدي اتحدى فيه نفسي و اللي حاولوا يحبطوني ...
من بشاركني ..:icon10:
الموضوع مغلق