شاركي في النقاش

سجلي الدخول لإضافة تعليق.

التعليقات

706
  1. غدانا امبارح كان بامية ورز بشعرية وفراخ بعد ما سلقتها حطيتها فى بيض وبقسماط وقليتها وسلطة خضرا

    والنهاردة فاهيتا دجاج وسلطة والحلو كيكة التوفى بالحليب المحمص ان شاء الله
  2. @knzy1

    النهاردة الغدا كان لحمة محمرة وسلطةخضرا ورز بالشعرية ولوبيا مطبوخة

    كتكوتة

    ياريت طريقة الكيك
  3. النهاردة طبخت لحمة متشوحة وشوربة لسان العصفور ورز بشعيرية وصينية بطاطس

    يوم الخميس والجمعة بيبقى مزاجي في الأكل مش ولا بد ومبحبش أطبخ مش عارفة في حد زيي ولا انا بس كدا :(
  4. ROSHANA
    كتكوتة ممكن طريقة الفاهيتا
    من عيونى يا جميل بصى انا باعملها بسيطة اوى
    بشوح بصلة مفرومة فى شوية زيت على النار واكون مقطعة صدور الفراخ صوابع رفيعة كده مش طويلة اوى
    احط الفراخ تتشوح هى كمان بعد البصلة ما تتدبل
    احط البهارات ملح وفلفل ورشة قرفة وباحط شوية من كل البهارات اللى عندى حسب مزاجك انتى
    بعد كده باكون مقطعة طماطم مكعبات وفلفل الوان وبصل جوانح تحطيهم على الفراخ وتقلبى وتغطى شوية لحد ما الفراخ تستوى بس يكون الخضار ظاهر مش اتهرى يعنى

تابعي تجارب أخرى من هذا القسم.