السلام عليكم يا بنات انا الحمد لله ماسيه تمام التمام مافى تخريب ابدا فى الرجيم مع انى غيرت اليوم لرجيم اتكنز وكمان لسه الوزن ثابت بس مش مشكله انا وراه والزمن طويل حينزل يعنى حينزل مش حسيب السمنه دى تتغلب عليه ابدا على فكره يا بنات انا عندى عزيمه قويه جدا على الرجيم مع ان زوجى مش عايزنى انحف وكل يوم يقولى انا عايزك كده انا بحبك وانت زى البطه لكن فى يوم من الايام واحده صديقتى (للاسف ) قالت لى انا لو تخينه زيك انتحر مع العلم انها فى نفس وزنى بس هى طويله عنى بس تقولوا ايه الانسان مش بيقدر يشوف عيوبه وانا من يوميها نويت ما يعدى عليه السنه الا وانا نحفه عنها كمان علشان نشوف حتنتحر ولا لا المهم
حبيبتى غلا الورد يارب تنجحى وبتفوق كمان يا عسل ان شاء الله من النهارده سوف ادعى لك فى صلاه الليل وكمان من يوم السبت حأعد اقرء سوره يس وانت فى الامتحان بنيه التوفيق ان شاء الله بس قولى لى مواعيد امتحاناتك ويا حبيبتى والله انا احترت مع الرجيمات جربت الكربوهيدرات زاد وزنى عليه وجربت الكميائى انزل كام كيلو وارجعهم تانى يوم على طوال مع انى ما بخرب كده زى البنات ما بيعملوا وما فاضل لى اجرب غير رجيم اتكنز وانا بدءت فيه النهارده قبل ما أقرء مشاركتك عموما ححاول اعتدل فى اللحوم لان انا اساسا عندى نقرس وححاول اكثر اكتر من الجبن والبيض والخضار فى حدود المسموح وحجرب مش حخسر شىء وعموما انا قد التحدى ومعاكم ان شاء الله
يوميات المجموعة الثانية ( مـــــن وزن 75 - 89 )
متابعة النقاش، صفحة 42