لمن تريد تخفيف وزنها وتجد صعوبه بالتخسيس/ تجاوز الحد المسموح له من المشاركات

يعطيك الف الف الف عافية يارب ومشكور على اهتمامك وردك على الاخوات .. :26:

انا طولي 155 ووزني 79 ..اشتركت العام الماضي عند اخصائية تغذية .. ولما بدأت عندها كان وزني 84 ونص

واول اسبوع نزلت 2 كيلو ونص .. وطلبت امشي في اليوم ساعة .. في البداية التزمت وبعد فترة لاني اداوم وارجع امشي ساعة بدأت ركبي تألمني .. فصرت اخفف في المشي لنص ساعة فقط .. وصرت نازلة طالعة في الوزن عندها يعني مرة انزل كيلو ونص وبعد شوية ارجع اطلع من نص كيلو لكيلو.. واعترف اني الخبط في الاكل احيانا ..والنظام تبعها مافيه تغيير كثير فقط اللهم تغير الي في الصباح مثلا في المساء وهكذا .. المهم جلست اروح واجي عندها لمدة سبع اشهر وماتصدقي طول هذه الفترة مانزلت الا 7 كيلوا يعني بمعدل كيلو واحد في الشهر كله .. واحيانا وزني يثبت لمدة 3 اسابيع او اسبوعين ؟!!!
وكنت بموت قهر .. اشوف الي حولي ينزلوا اكثر وانا نزولي بطيء مرة .. انا منفصلة من ست سنوات وعندي ولدين .. ومن فترة الانفصال الى الان وانا واقفة على نفس الوزن (79 )..بعد السبع اشهر عند الدكتورة طفشت وحسيت اني بضيع وقت وفلوس فقلت اوقف فترة .. ووقتها لما وقفت الريجيم وصل وزني 74 كيلو .. والمشكلة معايا شبه قولون من اقل توتر وصيام معدتي تتعب .. مو عارفة وايش اسوي .. فكرت بصراحه اسوي ربط للمعدة .. ادري بتقولي مجنونة بس مو عارفة وايش اسوي وخايفة بموت خوف من السمنة المفرطة ومو قادرة اتحكم بشهيتي ..
والان موقفة الدكتورة من شهر شوال الماضي ورجع اكلي طبيعي .. واشتركت في نادي ليا شهرين .. لما دخلته كان وزني 77 .. الان صار 79 .. وخايفة مرة .. حاسة اني راح ارجع كل الي نزلته .. يعني لما شفت الوزن 79 صاير عندي زي صفارات الانذار .. نفسي انزل ل75 واثبت عليه ..
رجعت امشي على نظام الدكتورة .. واروح النادي 3 مرات اسبوعيا ..ومافي فايدة .. ماراح اكذب عليكي .. مو قادرة اتحكم بشهيتي .. احب الحلا واحب النشويات والرز والحليب والالبان واللحوم في الوجبات السريعة والدجاج ..والاسماك نادرا مااكلها .. والله مو عارفة وايش اسوي ..
هل تنصحيني ارجع اشترك مع الدكتورة ثاني .. او تقدري تفيديني باي نصيحة ..
انا فصيلة دمي ( +o) وعمري 32 .. ومااعاني الا من القولون العصبي..
اجوك ارجوك ارجوك تساعدني .. راح التزم حرفيا بأي اكلات او اغذيه تنصحيني بها ..والمدة المطلوب اني استمر عليها .
جزاك الله خير ومشكووووووووووور ياحياتي :26:

عزيزتي الغاليه انا قريت تعليماتك ونصايحك للبنات وعن الصوم الطبي وانا بصراحه اول مره اسمع عن الصوم الطبي وعملت بحث عنه وبصرااااااااااحه مره خفت منه ويحذرو منه ويريت تفسيريلي التحذير وهذا الرابط شفيه
http://www.sehha.com/nutrition/diet/totalfasting.htm

عزيزتي
أنا وزني 117 وطولي 151 وأعاني من مشكلة الإرتجاع المريئي الحاد وخربطة الدورة يعني كل 3 إلى 4
أشهر تجيني سويت قبل يومين تحاليل شاملة قالوا سليمة بس خففي وزنك عشان تنتظم دورتك ويخف الأرتجاع وقالوا
معاك تكيس بسيط عالمبيض الأيسر فلازم تخففي وزنك وصرفتلي كلوفاج منظم السكر تقول عشان يكمش الكيس، رحت لدكتورة رنده اللي في رياض الهجن لمدة شهر ومانزلت إلا 3 كيلو فحسيت بالأحباط وماعاد رحت لها ورجعت كما كنت وأنا إذا أحد يبغاني أسوي ريجيم وأنحف لازم يتابعني
ويعطيني نظام مشبع شوي عالأقل أول أسبوعين والنظام اللي نفسي أتبعه لازم يكون فيه يوم مفتوح في الأسبوع عشان أقدر اواصل الرجيم وما أرجع مفجوعة وأنا أكثر شي أحبه في الحياة الخبز والجبن والحلى وما أشرب غازيات والمقالي في الشهر مرة فحلي مشكلتي أدخلك الله الجنه من أوسع أبوابها:(:44:

عزيزتي الغاليه
اعتقد انك لم تقراي موضوعي جيدا بالكامل وقد قرات لربما بمقتطفات منه وان الصوم الذي اشرت عليه انا هو نوعان نوع اسلامي ونوع وهو كصيام صيام شهر رمضان المبارك وهذا واضح للجميع
اما الصيام الاخر الذي اشرت عليه
وقد استنبطته من صيام السيد المسيح عليه السلام
وهو ما اشرت اليه بالصوم الطبي
وهو صيام لمده 8 ساعات تمتنعين عنه عن الطعام فقط وتبقين تشربين الماء فقط
والهدف منه عو تنظيف الجهاز الهظمي وتنظيف الترسبات والفلتره للجسم بالاضافه الى اعطاء الجسم فر صه لحرق الدهون المخزنه للاستفاده من سعراتها الحراريه وكلما زدتي اكثر كانت الفرصه لحرق الدهون افضل واقوى
وتتناولين بعدها وجبه نباتيه مشكله من الخضروات والبقوليات وتتابعي الصيام ثانيه لمده 8 ساعات اخرى مع الاشاره الى عدم اللخبطه بفتره الصيام وهكذا فهل هذا مضر ياعزيزتي
فان كان هذا مضر صوم لمده 8 ساعات تشربين الماء خلاله فماذا نقولين عن الصوم الصحي الاسلامي وهو الانقطاع عن الاكل والشرب منذ الفجر وحتى المغيب
ومع ذلك ياعزيزتي الصوم الطبي لمده ثلاثه ايام متتاليه او اكثر لاياتي اعتباطا بل هو تدريبا ورياضه روحيه وقوه تحمل وصبر يتدرج بها المرء
فمن لمن يقدر على صوم رمضان لنصف يوم فكيف سيقدر على صيام ثلاثه ايام كامله ومتتاليه ومع ذلك السوائل لاغنى عنها عن الجسم الصوم يبقى متواصلا مع الماء والانقطاع يكون فقط عن الاكل ولكن بالتدريب والاشراف والمتابعه وهذا يستخدم في القضاء على الكثير من الامراض والفيروسات والجراثيم والبكتيريا الضاره والمستعصيه وحتى في المستشفيات يستخدمون هذه الطريقه وهو امناع المريض عن تناول الاكل لربما تصل الى اسبوع او اسبوعين او شهر حتى حسب حاله المريض طبعا مع الابقاء على الجلوكوز (المغذي)ومتابعته ومتابع ضغطه ومتابعه حرارته ونفسيته لذا ياعزيزتي ان استخدمت بصح فهي صحيحه وان استخدمت بجهل فهي مضره
ومشكوره يالعزيزه على الاستفسار وارجو ان تكون قد وصلت الفكره
لذا لاتخافي منه يالغاليه وخافي اكثر من الوزن الزائد ومشاكله الصحيه والنفسيه
ولكي تحياتي

:26::icon28::26:السلام عليكم ورحمة الله وبركاته اختي لافندرو جا وقت الميزان وانا مستحيه منك لاني توقعت انزل اكثر من كذا بس يمكن حرارة الاجواء عندنا في الرياض خلتني اشرب كميه كبيره من الماء واتوقع يمكن وزني مانزل من كثر الماء الي اشربه بس اوعدك الجمعه الثانيه اقيس وزني وانا صائمه الوزن السابق هو 130 ك الوزن الحالي هو 126,6ك يعني نقصت 3,4ك الحمد لله