ريجيم العوضي سنتر ماتيوعين فيه لوشيصير وينزل 3 كيلو بالاسبوع

والله هالريجيم عجبني حيييييل تعتقدين ينفع للي اوزانهم فوق الميه
انا قررت اسوي في المسابقة السادسة ان شاء الله وببلغك بالنتيجة بس انتي ردي على سؤالي ينفع ولا لا؟؟؟؟؟

ينفع حبوبة واصلا كل ماكان وزنج اكثر تضعفين اكثر
بس اهم شي لاتكنسلين الفواكة لانها مهمة وابتعدي عن العنب والتمر والموز والمنجا والبطيخ لانهم متروسين سكريات
وشربي ماي كثر ماتقدرين
لكن قبل التمارين او المشي بساعة ونص او ساعتين لاتشربين قطرة ماي
لانج اذا ماشربتي ماي الجسم راح يحرق الشحم بس اذا في ماي الجسم بيطلع الماي وبس
هذي نصيحة وكل اللي التزموا فيها لاحظوا الفرق
عقب التمرين شربي ماي لين تشبعين ان شاء الله تنكر عليج بالعافية
اي ولاتنسين الماي الدافي على الريق مهم
وعصير الكيوي والاناناس يمشي البطن ثاني يوم الصبح بتلاحظين هالشي لاتكنسلينه مهم جدا

ونامي مبجر عشان ماتيوعين
وشربي شاي اعشاب يساعد على تخفيف المعدة والكرش وبنفس الوقت يسد الشهية مؤقتا
انا احط شاي اخضر مع ميرامية وزعتر وضفت لهم اكليل الجبل وحبة حلوة او يسمونها الشومر
3 مرات باليوم اشربه والحمدالله حاسة بفرق
وعشان المعدة انصحج استعملي جهاز AB Revolutionizer دايما يحطون دعايته على القنوات مالت الدعايات تطلبينه من شركة THANE TV ممتاز وايد زين للمعدة يمسحها ومايعور الظهر وسعره زين 22دينار و 750 فلس
تقريبا اقل من 300 ريال بشوي
طلبيه وماراح تندمين
وبالتوفيق حبوبة

مشكوره ياعسل

العفو مروج حياج الله عيوني

ياعمري ياكويتية امورة والله انك ماقصرتي بردك علي كنت خايفه تقولي ماينفع وانصدم خلااص الحين ان شاء الله راح اسويه بس خلي المسابقة السادسة تبتدي وتحملي اسألتي الي وش كثرها الجهاز الي قلتي عليه انه يمسح المعده وش تقصدين يعني يمسح البطن والكرش؟؟ ترى فهمي على قدي وسؤال ثاني انا ماعندي ستلايت وماعرف الرقم في السعودية هل لهم موقع على النت اقدر ادخل عليه واخذ منه الارقام شرط يكون عربي لاني الله بالخير مافهم بالانجليزي الا حبتين

ومشكورة وجزاك الله خير على ردودك السريعه على استفساراتنا الغثيثه