زواج المسيار.. بين القبول.. والرفض

والله زواج المسيار يناسب رجال الزمن الحالي الاتكالين المتهربين من مسؤلياتهم المدللين الى ماعندهم قدرة على تحمل نفسهم فيتحملون غيرهم
والله اتعجب منه واستغرب شوفوا اهداف الزواج الزواج مو بس عفة الزواج اهدافة اسمى تكوين اسرة مودة ورحمة تكاثر الامة الاسلامية بانجاب اطفال وتربيتهم تربية صالحة
تحصين المراة مو بس بالجماع على مزاج الرجال لا التحصين بالزواج المتكامل بالنفقة بالقوامة وغيره اشياء كثيره
انا والله مادري وشلون يصير حلال بس اتوقع حلال بشروطه هذا لو كان حلا ل
والله اني اكرهه واكره اي واحد او وحده يسونه لانه قمة انعدام المسؤلية تجاه الذات والمجتمع
وحسبي الله ونعم الوكيل

فيه ضياع لحقوق المرأه والعيال..

يا اختي ليش هذا الاندفاع..!!
أصابع يدك يا اختي مهيب مثل بعض
مو كل واحد يبي مسيار فهو اتكالي ومتهرب من المسؤلية!!
إذا كان الواحد عنده مسؤليات لو توزع على قرية كان اشغلتهم ويبي يعف نفسه فهذا مهوب اتكالي او مدلل..!! لعلمك ياختي ان بعض اللي يزوجون مسيار يفتح بيت لمرأته ويصرف عليها لكنه لا يستطيع العيش معها لعدة أسباب مثلا انه مايبي أن زوجته الاولى تدري حتى لا ينفصلون ويضيعون الاولاد وهو واحدة ما تكفيه ويبي يتزوج ثانية بالحلال..!!
ومن الطرف الآخر واحدة ام اطفال مثلا مشغولة ولاهية بأطفالها تريد واحد يعفها بالحلال وما تشترط انه يعيش عندها فهذه يناسبها المسيار، أو واحدة ما جاها نصيب بزواج عادي لكن حصلها بمسيار فهذي لو تاخذ المسيار احسن لها من انها تقعد بدون زوج..
اما قولك:
الزواج مو بس عفة الزواج اهدافة اسمى تكوين اسرة مودة ورحمة تكاثر الامة الاسلامية بانجاب اطفال وتربيتهم تربية صالح

فانا معك .. وهذي الأشياء اللي ذكرتيها لا تنتفي بزواج المسيار ..

أما عن الاخت UAE_QeeN قولها انه حرااام فهذي والله المصيبة!!
يا أخت ما يجوز قول عن شي حرام زي انه ما يجوز قول عن شي حرام حلال..!!
الزواج اللي ينتهي بمدة هذا اسمه زواج المتعة وهذا هو الحرام..
أما زواج المسيار فهذا زواج عادي الا ان الزوجة تتنازل عن بعض حقوقها ..
وأنا ما سمعت شيخ يقول ان الزواج هذا حرام بالدليل..

انا اشوف ان سلبياتة اكثر من ايجابياتة (ان وجدت) :16:

انا راح اسئلك سؤال واحد اذا تقدم لاختك شاب يبغاها مسيار وهي ببيتكم.., وكل فترة يدخل البيت ويطلع غرفتها ويمشي بعد ساعة..., الا تعتبرها اهانة لها ولكم :30:

انا عن نفسي اكره هذا الوضع :D

والله انتم طلبتم وجهة نظرنا وانا اعبر عن وجهة نظري انا اشوف انه يتزوج ويعلن احسن من انه يتزوج بالمسيار ويخليه سر لا ن عمر رضي الله عنه قال بما معناه ماتذكر بالظبط انه اخو الزنا
وانا اشوف انه مو افضل الحلول ويكفيني انه كان محرم في عهد الرسول وبعدين سمح فيه الرسول
وقلت لكم له ظروفه الخاصة والا ماله داعي
تربية الابناء تحتاج لوجود اب فترة مناسبة وخاصة في هذا الزمن
والرسول الهم صلي وسلم عليه امر الي يبغى العفة ومايقدر انه يصوم ما امره انه يتزوج مسيار ولا سمعنا ان احد من الصحابة تزوج مسيار
والله يحفظنا وجميع المسلمين