سلااام على أحلى مجموعة ,,
كيف حالكم ياحلواات إن شاء الله بخير ,, ومبرووك للي نزل وزنها واللي مانزل وزنها إ نشاء الله راح ينزل ولاتزعلي نفسك بس قولي يارب والله ينولنا اللي في بالنا يارب ..
أختي غدا يوما اخر عظم الله أجرك حبيبتي والله يرحمه ويجعل قبره روضه من رياض الجنة ويجعل مثواه الجنة يارب ..
أختي البتول تصدقي أنا كمان فصيلة دمي o+ وبصراحة حاسة إني مابأنزل بسهولة وكمان كسلانة مرة ومابأعمل رياضة جامدة غير المشي أحياناً ..
ومشكوورة على كل من سأل عني وشجعني والله يخليكم لي يارب ولايحرمني أخوتكم الطيبة والله يوفقنا وننحف ..
بسس على فكرة يابنات عندي دحين مشكلة وماني عارفة كيف أحلها بصراحة المشكلة في الميزان المجنون اللي عندي لأنه أيام المسابقة وزنت نفسي على ميزان البيت كان 56 أو 57 طيب وقبلها كنت وازنة نفسي في المستشفى لقيته 58 طيب حلوو لين هنا وبعدين بعد الأسبوع تبع المسابقة وزنت نفسي في ميزاني لأنه هوا اللي قدامي وكان منزلني من 3 لــ 4 كيلو يعني عطاني رقم 53 ومرات 52 واليوم كان عندي موعد ووزنت نفسي في المستشفى لقيت وزني 56 يعني بالنسبة لميزان البيت من وزن 56 أو 57 لـوزن 53 أو 52 نزل وزني من 3 لــ 4 كيلو طيب وبالنسبة للمستشفى نزلت كيلوين فماأدري أيش اللي صار أيش رأيكم ساعدوني ؟؟؟؟؟؟؟؟؟؟؟؟؟؟
عشان أبغى أغير النتيجة إذا غلط اللي كتبته ولا أيش رأيكم ؟؟؟؟
(8)يوميات المجموعة الأولى (من وزن 69 وأقــــــــل)(8)
متابعة النقاش، صفحة 103