شاركي في النقاش

سجلي الدخول لإضافة تعليق.

التعليقات

1,039

  1. @yabaad_haldnya_oynk

    سلااااااااااااااااااااااااااااااااااام لكل الدبااات قصدي الرشيقات :42:

    انا ماشية اووكي وتمام ولله الحمد :)

    ونقصت :26:

    ومن السبت بدخل نادي رياضي بسوي رياضة وسباحة طبعا النادي مغلق لحد يطالعني ..:arb:

    المهم قبل الريوق شربت ثلاث بيالات بذرة الكتان من امس بديت فيها بس بعدين خفت منها وقلت بمشي على طريقة البرتقال والليمون .. وهذا انا اليوم قبل الغداء بشرب منه كاسة وحدة وقبل العشا بعد
    غداي بيكون زبادي خالي الدسم مع مبشور خيارة مع خبز نخالة نص قطعة ..

    الله يوفقكم وين الدبات الباقيات ؟ :30:

  2. @dbooh

    جلنار30
    DbooH هلا وغلا فيج نورتي الصفحة تصدقين في هذي المسابقة كل ما اشارك محد يرد علي قاعدة اكلم نفسي مشكوووووورة على السؤال وتسال عنج العافية يا عمري......


    شحالكم بنات عساكم بخير :biggrin:
    والله انا حالي ما يسر جان تبون الصدق ,,
    امس انضربت على عيني وقررت اني اشرب حلول " عشرج " ليوميين على التوالي عشان اسوي تنظيف حق بطني الخايس :icon8: والحين تعالو شوفو حالتي والله ما ايلس 5 دقايق الا وانا في الحمام عزكم الله وبطني بموت منه مع اني ما كلت شي من يوم ما شربته لول على قولة مادري منو اللي يبى الدح ما يقول اح :tongue:

    الموهم ,,,

    toota_albnota
    ويي اصلا مادري ليش يوم اتيي الدورة نخبص وتنفتح الشهية جنا يايين من مجاعة ههههه
    تصدقين انا شو اسوي يوم اتييني عشان ما ابلع وايد ,,
    كله اشرب سوائل وااااايد اكثر منها واحاول اني ما اكل بس شو بيسكر حلجي انا :hahaha:
    تسلمين الغالية ومشكووووورة على هالدعوة وادعي ان الله يعييني عليها صدق موريتني الويل :29:



    rayouna
    هلا فيج عيوني :biggrinlo تصدقين انا قررت اني اودر ريجيم عذاري لان اسبوع ومادري كم عليه ولا نزلت شي يعني قمة الإحباط :frown:
    انتي شخبارج ويا ريجيم عذاري وكم نزلتي هالاسبوع ؟


    جلنار30
    ياويلي منو هاللي ما يرد عليج خلاص انا ييت كل يوم برد عليج
    ها شخبارج شو مسوية ؟ شو النفسية والتخبيص :biggrin:


  3. @dbooh

    ليلى مراد
    شوفيييييج حبيبتي :frown:
    ليش جييييه زعلانة ومتضايجة ,,
    فديت خشمج ماعليه هاي فترة وبتعدي قولي حق عمرج لو خبصتي ماعليه هاي اخر مرة وبالباجر عاقبي نفسج على هالتخبيص ,,
    لا اتمييين زعلانة ومتضايجة جييه انا قريت ان اهم شي قبل لا نبدا اي ريجيم ان النفسية تكون توب يعني ماشي يضايقني قبل او خلال او بعد الريجيم يعني لا تضيقين بعمرج ترى نحن وياج وعادي كلنا نخبص ونرد نصطلب ماعليج :biggrin:


    بنادوله
    ريجيم التمر والحليب انا الصراحة مافهمته مومكن تخبرينا شو تسوين فيه من اول ما تنشين لين ما ترقدين :biggrin:

  4. @dbooh

    DbooH
    ليلى مراد شوفيييييج حبيبتي :frown: ليش جييييه زعلانة ومتضايجة ,, فديت خشمج ماعليه هاي فترة وبتعدي قولي حق عمرج لو خبصتي ماعليه هاي اخر مرة وبالباجر عاقبي نفسج على هالتخبيص ,, لا اتمييين زعلانة ومتضايجة جييه انا قريت ان اهم شي قبل لا نبدا …
    اهل الكساء
    عااااشت اهل الكساء يالله ما بقى شي وان شاءالله تروحين السبعيينات مبروووك النزووول وعقبالنا كولياتنا :biggrin:


    ام حمدان ومحمد
    انا هنيييييييييييييه :biggrin: واتريا منج باقي الموديلات لوول
    خبريني اخبارج ويا الريجيم وبعدك على ريجيمج الحلو ولا غيرتيييه ؟


    Welma
    عندي احساس انج نازلة وايد :S_45: يالله بشرينا وعن التحدي ادريبج بتغلبينا كلنا :tongue3: لكن نحن لها هههههههههههه


    meemee2005
    حياج الله حبيبتي :icon35: وان شاءالله نشوفج في مجموعتنا قريب ,,


    hahaha
    شو مستوي :unsure: بنت الكويت مسكرة باقي المواضيع ؟؟؟
    ليش شو صاير ؟؟ >>> ماتدري عن شي :humm:


  5. @dbooh

    امل الغامدي
    الله يثبتج على الريجيم وفي العزايم قبل لا تروحييين خذي شي يسد النفس مثل نخالة وروب صج تسد النفس على فكرة وبالتوفيق عزيزتي :biggrinlo


    دلوعة1بوهـ11
    هلا فيييج بينا دبة كباقي الدبات :biggrinlo
    >> متعقدة من اسم دبووه :hahaha:
    مادري متى بينادوني يالرشيقة
    مبروك النزول اول شي وعقبالنا كلنا :icon30:
    بغيت اسألج بذرة الكتان كيف تسوينها ومتى تشربينها ؟؟

تابعي تجارب أخرى من هذا القسم.