قصه نجاح ليس شخص بل مجموعه اشخاص (بالصور)

السلام عليكم :icon35:

انا ام خالد اللي بالقروب الدرقي ليا شهرين والاستاذة احلام تتابعني الله يعطيها الصحة والعافيه قسم بالله تصبر علينا صبر موصاحي :cool:

اشكر جهودها واعمالها الجبارة واشكر صاحبة الفكره للقروب وهي اسرار دمعه كنا في البدايه عددنا 16 في قروب واحد ونعمل جداول تتضمن الوجبات اللي تناولناها والرياضة والمشروبات والعنايه والماء والمشروبات وكل يوم جمعه نصور الجداول ونرسلها لحلومة ويوم الجمعه تعلن عن الفايزة بلقب ملكة الاسبوع وذلك حسب عدد الكيلوات اللي نقصتها كنا اعضاء القروب حلومة واسرار والمزون وخلود وام بيلسان وام هاني وندو وام صالح وام فيصل وام محمد واماني ورزان وريف المسايير وطيبه ومنيرة وهمتي عاليه وانا طبعا ام خالد نحمس بعضنا البعض ونشجع بعض وماشاء الله حلومة اشعلت بينا روح التنافس الجميل الله يسعدها ويحقق احلامها





طبعا اول شهر كان نزولي جدا بطيء :icon32:كان وزني 79 ومانزلت الا كيلوين والسبب العناد ههههه (صفة سائدة للدرقيات):boom:لاني مااسمع كلام احلام ولامشيت على ريجيمها ومشيت على ريجيم كان غير مناسب لي اسمه ريجيم السعرات اخذته من النادي ومانسبني للاسف :boom:



ولما حلومة دخلت هالثقافة بينا في القروب:cool: اللي هي ثقافة ريجيم حسب الغدة ولما فهمت جسمي بالضبط ويش اللي يمتنه وايش اللي يضعفه ولانه جسمي درقي اللي يمتني هو الكربوهيدرات والدهون فقطتعها تماما حتى خبز البر والفاكهه مااكلها واللي ينحفني هو الخضار والبروتين فاصبحت حياتي تتضمن نمط حياة شخص لدية الجسم الدرقي غيرت تماما طريقة حياتي اولها قطعت الحلويات والاخباز والارز والمكرونة والفاكهه والدهون وصرت افطر بيضتين وكاسة حليب منزوع الدهن والغدا بروتين مشوي او مسلوق مع سلطة خضراء والعشاء زبادي :21:وماشاء الله تبارك الرحمن صار نزولي ممتاز جدا الان وزني 72 وقربت من الستينات يعني الاسبوع الجاي ان شاء الله ادخل عالم الستينات وباوصل ان شاء الله على العيد للوزن المثالي اللي هو 61





طبعا ناوية اطبق ريجيم احلام على ابو الشباب اللي جسمه كظري لان وزنه يفوق الميه ان شاء الله اذا رجع من السفر :S_45:





طبعا احلام منذو شهر تقريبا وزعتنا من جديد في قروبات جديدة حسب الغدة المتحكمة في الجسم وصار معنا اخوات جدد و درقيات في قروب واحد نتشارك في تصوير الوجبات وتشجيع بعضنا البعض طبعا قمه في الحماس والى الان سعيدة جدا برفقتهم لاحرمني الله منهم


ام الدحمي واموله وجوهرة وخولة وعهود وفطوم ومناير وام فيصل وام لولي وبشاير وشموخ وخيال ورهف وريم



ولازلنا الى الان في تنافس شريف :39:ولله الحمد تحت اشرافك ياحلومتي العسل

وبالله سامحينا ادري كلنا نفسيات وتعبناك الله لايحرمك الاجر

تخيلي كل وحدة بتصير متعافيه ورشيقة من تحت يداتك الحلوة وافكارك الجميله وثقافتك الغنيه :love:

وعليكم السلام

هلا والله باحلى دكتوورة
حابة انظم للقروب
انا جسمي من النوع الاول كان وزني 57 وطولي 154
ونحف حتى صار وزني 50 وكم غرامات وقالت لي الردكتورة وزنك المثالي من 45 الى 50
بس كل الي يشوفوني يقولوا خلاص وقفي وكمان وجهي مررة نحف
بس مشكلتي عندي زوايد تحت الخصر واعلى الفخذ بس الحين صغرت مرر ة مع التدليك والرياضة
تنصيحيني اعمل الرجيم والا اوقف
وهل يفيد مثل هذي الزوايد
والي نومهها مخربط عادي تفطر عالعشا ووتعشى عالصباح