كيفكم بنات وكيف الدايت معاكم
حابه أوضح لكم معلومه قالتها لي أخصائية التغذيه
انه الأكل مايكون مسلوق بالمره مسموح بملعقه وحده زيت لأن فيه فيتامينات مايستفيد الجسم منها الا مع الزيت
وقالت لي حطي ملعقه بطبخك بس
وطريقتي بالطبخ
اغسل الدجاج وانزع جلده واسلقه بس غلوتين واتخلص من المويا ثم اغسله مره ثانيه وأنظفه من الشحوم الي طلعت بعد الطبخ واسلقه مره ثانيه نص استواء واتركه
اجيب قدر واقطع فيه البصل والطماطم وملعقة الزيت واسوي الكشنه عادي
واقسمها على قدرين قدر احط الدجاج فيه واحركه مع الكشنه واضيف له موية سلق الدجاج واملحه واكبس عليه الرز
والنص الباقي من الكشنه اسوي فيها ايدام الخضار كوسا وباميه وباذنجان واضيف لها معجون طماطم وملح وثوم واستمتعي باحلا غدا او عشا
والبنات الي تقول لازم تطبخ لزوجها ولها خلي طبخك لك انتي وزوجك واحد
هذي بعض الطرق لطبخ الدايت أفخاذ دجاج او صدور الي تحبي بعد تنظيفها باالطريقه السابقه اضيفي البصل لزيت وحركيه الى ان يذبل ضيفي الدجاج الى ان يتغير لونه ثم اضيفي عليه الطماطم ويكون كثير وضعي قليل من الماء والثوم ومعجون الطماطم والبهارات والملح وقفلي قدر الضغط واتركيها تتسبك لمدة 10 دقايق
وتكوني سالقه رز نص استواء بمويا وملح فقط
صفي الرز وحطيه في صينيه افتحي قدر الضغط وشيكي على الدجاج اذا استوى وتسبك يكون المرق ثقيل ضيفيه على صينية الرز وغطيها بقصدير ودخليها بالفرن الى ان يتشرب الرز المرق وعند التقديم حطي على الوجه بقدونس وليمون
او تجيبي صدور دجاج وتقطعيها صغار وتحمسيها مع البصل وملعقة الزيت وفلفل رومي وتضيفي لها ثوم وبهارات ومعجون طماطم وشوية مويا واتركيها تتسبك وقدامك خيارين أما انك تكبسي عليها رز مسلوق نص استواء او انك تضيفي لها مكرونه مسلوقه وتخلطيها مع بعض ثم تحطيها بصينيه وتحطي على الوجه جبن شرايح خالي الدسم وتدخليها الفرن
او انك تجيبي صدور دجاج وانتي تفرميها وتضيفي لها بقدونس مفروم وثوم وملح وبهارات وتكوريها وتحطيها بصينيه وتغطيها بقصديره وتدخليها الفرن وبعد ما تتماسك تكوني مجهزه كشنه طماطم وبصل بملعقة زيت وفلفل رومي ومعجون طماطم وثوم وبهارات وملح وقليل مويا وتضعين كرات اللحم تتسبك معها وتقدمينها مع مكرونه مسلوقه او مع الرز
أو انك تجيبي صدور الدجاج وتحطينه بكيس الشواء وتضيفين له كوسا وباذنجان وقرع وفلفل رومي وبصل جوانح وتضيفي البهارات والملح وعلبة زبادي وتقفلي الكيس وتدخليها بالفرن وتقدميها مع خبز او رز مسلوق
أو تجيبي صينيه وتقطعين الطماطم شرائح ثم شرائح البصل ثم صدور الدجاج ثم طماطم ثم البطاطس ثم الكوسه ثم الباذنجان واخر شي طماطم وتجيبي كاس صغير وتحطي فيه الثوم المهروس والبهارات ومعجون الطماطم وتضيف له المويا وتحركيه وصبيه على الصينيه وغطيها بقصديره ودخليها الفرن وقدميها
ملاحظه اذا بتقدميها مع خبز استبعدي من طبقك البطاطس واذا بتاكليها مع رز استبعدي من طبقك البطاطس والخبز واذا بتاكليها بالملعقه استبعدي الخبز والرز
يعني اذا بتاكلي البطاطس ستبعدي الرز والخبز واذا بتاكليها مع الرز استبعدي الخبز والبطاطس واذا بتاكليها مع الخبز استبعدي البطاطس والرز
وطبعا اذا كانت غذا مسموح لي ب8ملاعق واذا عشا 4ملاعق
ماهو تخلصي على الأكل كله
طبعا مع صحن كبير سلطه وحبه فاكهه
واحيانا تبدلي مشويات جريش سليق واتضيفي له ايدام خضار
وبكذا أكون طبخت مره وحده لي ولزوجي ولا مليت من الرجيم ولا حرمت نفسي ولا زوجي مل من اكل الدايت بالعكس بدا وزنه ينزل
يوميات قروب التزمت 8 اختاري الحل الصعب ياتنحفين ياتفجرين من الشحوم
متابعة النقاش، صفحة 333
