مسسسساء الووورد
الله يبارك في اعماركم جميعا
طبعا توي راجعة من الدوام .. كان عندي زيارة خارج الرياض .. الله لا يعاقبنا بس .. هلكت
بقول لكم سالفتي مع السمنة ع السريع و بعدها راجعة ارد عليكم وحدة وحدة بإذن الله
احم احم .. واضح الصوت كذا :pinklove:
معاكم بنت مامتي الدميلة .. 27 سنة باقي شوي و اصير 28 ترى
لازم الحالة الاجتماعية والا لا .؟ :pinklove:
الموهيم ..
أنا من ولدتني أمي وأنا بطة طبعا جابتني ع وزن 4 كيلو ونص و كنت البنت المدلعة و أول وحدة و اللي قبلي توفت بعد ما ولدتها أمي فجت الحرة فيني .. قوة تزغيط بط على قولة أهل مصر هههههه زغطوني وزغطوني لحد ما كبرت و صرت ازغط نفسي خخخخخ و كل ما أكبر وزني يزيد و أكبر ووزني يزيد وما كنت أفكر اسوي دايت أو اغير نظامي ابد .. بس كنت أخذ حبوب .. أعشاب .. أي شي يقولون انه ينحف و للأسف ما كان يسوي فيني شي ...لحد ما وصلت 139 كيلو بعيد عنكم جميعا .. في ثاني سنة بالكلية .. قررت اني اسوي عملية تحوير مسار .. و رحت المستشفى و قالوا خلاص راح نتصل عليك و الله وكيلكم 4 سنوات ما شفت رقمهم هههههههه طبعا خلال الاربع سنوات هذي وصلت 150
و قررت أسوي العملية في مستشفى خاص .. رحت للدكتور و قال لي وزنك مرررة كبير لازم تنزلين منه عشان أسوي لك العملية ع الأقل 15 كيلو :ohmy: انا كنت رايحة مفكرة خلاص اوكي ادفعي ادخلي غرفة عمليات تحطمت كثثثثثثير :frown: لأني كنت حاطة أمل كبير اني راح اسوي العملية و راح اتغير بغمضة عين و كذا .. المهم بعد تفكير و اخذ و عطا مع نفسي قررت انحف عشان أسوي العملية .. بديت تخفيف .. ما عجبني الوضع ما أحس وزني ينزل .. مسكت شهر كامل سوائل خسسفني صح بس كانت نهايتي مستشفى هههههههه نزلت عليه 17 كيلو تقريبا .. أنا يوم شفت نفسي نزلت تحمست زيادة اني انزل و قلت ما يحتاج عملية أنا اقدر اسوي الشغلة هذي .. طبعا مشيت ع التخفيف كنسلت المقلي و المحمر و المشمر و المشروبات الغازية و الشيبس و عششششقي التشوكلت :pinklove: وفي سنتين قربت للـ 100 و بعدها شفت نظام عمو أسامة حمدي و قلت أجرب.. كان في رمضان و التزمت فيه طوال شهر رمضان نزلني 12 كيلو .. و من بعدها وأنا ماشية اخلص من نظام وأريح شوي و أمسك نظام ثاني .. لأني كنت مرة خايفة وزني يرجع يزيد .. أحيانا ما انام الليل من هوس انه وزني يرجع .. طبعا وصلت 86 كيلو .. وقدر الله علي و تزوجت .. جلست شهر وشوي معاه طبعا نزلت فيها 9 كيلو من الراحة النفسية و هيك :pinklove: .. وما كنت متبعة أي نظام .. و لما انفصلت رجعت بيت أهلي مفجوعة هههههه صرت أكل الأخضر و اليابس ( جرادة الله يكفيكم الشر ) زاد وزني 6 كيلو في شهر .. قلت يا بنت ما بدهاش امسكي لك نظام و احترمي حالك و مسكت نظامي الدميل تبع د . ألين الناشف و ماشية فيه .
طبعا أنا حاليا بالضبط بالضبط نص أنا قبل .. نزلت 75 كيلو .. انسان بالغ عاقل و دبدوب .. الحمد لله يارب والله لا يردها .
حياتي تغيرت فوق تحت .. أول اكره الملابس أكره المناسبات أكره اطلع للناس ولا اسولف ولا اضحك عازلة نفسي لحالي .. الحين تعالي امسكيني بس هههههه الزواجات أول وحدة تروح الجمعات العزايم .. صرت اعششششششق الملابس طبعا ملابسي قبل تخلصت منها ما عدا قطعتين قميص و جينز تركتها عظة وعبرة .. الجزم الله يعزكم وصلت لدرجة إني اروح اسويها تفصيل .. ما في شي يدخل برجلي تكرمون .. الحين في الدوام يقولون نعرفك من صوت الكعب
آآآآآآآآآآآه ياربي شعور مرة جميل كل شي فيني تغير .. و أهم شي نفسيتي مررررة غير عن أول
الحمد لله يارب
و بس .. هذي أنا
اي استفسار أي خدمة أنا حاضرة للجميع
الله ينحفنا جميعا و يوصلنا المثالي من غير شر يارب
أحبكم :pinklove:
يوميات قروب التزمت 8 اختاري الحل الصعب ياتنحفين ياتفجرين من الشحوم
متابعة النقاش، صفحة 353
