ياااي الحمد لله حشترك معاكم وربي مررة متحمسة معاكم ومحتاجة بجد اكون في قروب زي كدا محتاجة للتغيير :)
اممم بالنسبة لنظامي
انا حتبع نظام اخذته من اخصائية وانا غيرت عليه كمان
الفطور حيكون كوب حليب من غير سكر + ربع عيش حب + جبنة أو بيض + فاكهة
وجبة خفيفة : زبادي قليل الدسم أو ربع عيش حافي +كاسة لبن أو فاكهة
الغذاء :خمس ملاعق رز +سلطة +نص صدر دجاج (او الي يعادله من البروتين )+صحن صغير شوربة
وجبة خفيفة :زبادي قليل الدسم او ربع عيش +كاسة لبن أو فاكهة
العشاء : نص ساندوتش (متنوع ) + أي مشروب نص كاسة عصير او شاي
وبس طبعا حتشوفه انه مرة كثير بس تقريبا ده فيه بين 1500 سعرة حرارية او 1200 ماحسبته بتمام بس احلى شي فيه ماتحسي بالجووع ابدااا
بالنسبة لاهتمامي في شعري وبشرتي
شعري بس راح احط بلسم فيه وممكن سدر
بشرتي راح استخدم صابونة الكبريت لانها تشيل الحبوب وعندي مقشر بزيت الزيتون والسدر راح استخده مرتين في الاسبوع وعندي كريم بوندس للوجه والعين راح استخدمه يوميا وموية الورد لوجهي كمان
بالنسبة للرياضة راح امشي كل يوم ربع ساعة لاني من زمان ماسويت رياضة وان شاء الله الين مااخليها ساعة كااااملة :)
وبس :)
ملاحظة انا زمان كان وزني 60 وطولي تقريبا 159
بس مع الحمل والولادة والانفصال وضغووط مررة
سار وزني خلال سنتين ونص اضعاف وزني دحين وصلت 78,6 وكل ماله في زيادة عشان كدا لازم اووووقف خلاص
بالنسبة لثقافتي اخدت كتاب انقلش وحعطي نفسي كل يوم ربع ساعة فيه
ويلا بسم الله نبدأأ
Oo● ·القروب الذهبـــي جمال ورشاقه وانوثه اصرار قوه وارادة· ●oO
متابعة النقاش، صفحة 36