شاركي في النقاش

سجلي الدخول لإضافة تعليق.

التعليقات

57
  1. اجل اسمعي مالك الا هذي الطريقه شوفي طاحونة الهيل حطي فيها فلفل احمر يابس اشتريه من العطار وفلفل اسود وكمون بتساوي واطحنيهم حتى يصيرو بودره مع اضافة الملح وحطيهم في علبة واحفظيهم في الفريزر خلاص

    نجي للطريقة سوي كبستك اللي تسوينها دايما خلاص 

    جيبي نصف حبة بصل وواحد فلفل اخضر او نصفه عشان الحراره ونصف فص ثوم وافرميهم فرم محترم ولو كان عندك الفرامه ازين وحطيهم في مقله او طاوه فهمتي وحطي عليهم ملعقة زبده او زيت اللي متوفر وقلبيهم زين  وضيفي شوي بطرف الملعقة من البهارات اللي سوينها فوق وخليهم يذبلو وكبيهم فوق الرز بعد ما جهز واستوى وحركيهم ما راح تشوفي شئ بس راح تطعميهم والريحه روعه والطعم يجنن 

    بنسبه لثقل الصلصه في الايدام حاولي تقللي المويه ولو كان عندك قدر الظغط افضل لان الايدام ما يحتاج مويه كثير فيه وعشان تثقلي الصلصه ذوبي ملعقة نشاء مع الايدام تعطي كثافه وترى كل المطاعم يستخدمو النشاء في تثقيل الشربه
    موفقه
  2. @aymy55

    حبيبتي اذا سويتي الكشنه مع البصل حطي فليفله وثووم ريحه ونكهه روووعه ترا قبل ماحب الثووم بس اختي قالتلي والله يعطي نكهه روعه وفعلا صار اكلي مايخلا من الثوم
    والرز ااام اذا خلص حطي صفار زعفران رشيه فوق عالرز وقفلي القدر واخذي شوي بعدين افتحيه وقلبي الرز. صراحه يعطي ريحه كويسه وحاجه ثانيه تكفين جربيها ورديلي انا امووت فيها زي ريحه رز المطاعم الموهم الطريقه هي انك تحمسين بصل بزيت لما يذوب ويطلع بني محروق. اوك وتصبين فوقه مويه. بس انتبهي خله يبرد شوي عشان مايفور وبعدين صبي ما تقريبا نص كوب او اكثر شوي وحطي عليه صفار الزعفران وحركيه عالنار لما يطبخ واتركييه شوي لما يصير المويه قليل بعدين تطفينه وتشخلين البصل وتاخذين المويه البنيه وتكبينها فوق الررز. وتحركين الرز صراحه ريححه خياليه ونكهه بس الرز يكون نثري لازم وقوليلي اذا جربتيها انا ايمي 55 وبس ااتمنا اني افدتك
  3. @shambo_hyrbl

    Katie
    الدجاج اشتريه مقطع وجاهز جيبي دجاج اليوم كميه كويسه وعبيهم باكياس وعلى الفريزر واللحم نفس الشي اللحام خليه يقطع لك تبين اضلاع ولا ستيكات ولا هبره اللي تبينه اطلبيه ويسوي لك اللي تبينه وعبيه باكياس وبالفريزر طريقة التنظيف بالنسبه للدجاج شيل…
    ياعمري انتي كلنا اول ماتزوجنا مانعرف نطبخ مع الوقت تعلمنا وعرفنا

    اول شي الرز لاتغسلينه كثير لان لو غسلتيه كثير يروح طعمه الملح بعد ماتحطين الرز اذا غلة موية الرز ذوقي ملحها

    المويه حقت الدجاج لاتكثرينها خليها بس يغطي الدجاج والدجاج الافضل قطعيه أنصاف

    البهارات العدله مالها كميه الي قلتي عليها كميه صحيحه وزيدي قرنيين فلفل وحبات هيل ثنتين او ثلاث ومع شوي مره خل قطرات خليني اعلمك الخطوات

    كبسة الدجاج اغسلي الرز وانقعيه في مويه دافيه ملح حبتين هيل قرنيين فلفل
    قطعي الدجاج أنصاف شيلي النص الي بتطبخينه والثاني كيسيه ورجعيه في الفريزر النص الي بتطبخينه غسليه زين بالملح والخل وبعدين حطي شوي مويه في باديه فيها ملح وخل وخلي الدجاج فيها عشر دقايق وارجعي كبي المويه واشطفيها زين وخليها على جنب
    جيبي البصل وفص ثوم واحمسيهم في الزيت الين يصفر مع شوي ملح وماجي ابيض ملعقه البصل ويذوب حطي الدجاج طبعا تخلين العظام الي داخل الدجاجه من فوق حطي الفلفل والبهارات العدله وبيالة مويه وغطيه وخليه على نار عاليه عشر دقايق اذا فتحتي القدر يصير الدجاج ابيض حطي المويه وملح والمويه بس تغطي الدجاجه على نارعاليه واول ماالمويه تغلي قصري النار على تحت وخلي الدجاجه تستوي ربع ساعه اذا غرستي السكين في فخذ الدجاجه مايصير فيها دم شيلي الدجاجه رشيها بابهارات وملح ودخليها الفرن شيلي البصل والبهارات العدله كلها وحطي الرز بعد مايتصفى من المويه وعدلي المويه اذا احتاج زيديه وخلي النار عاليه وغطيه وخلي الفلفل وحبات الهيل من فوق واول مايشرب المويه القصري النار مره وخليه في هالوقت سوي الكشنه

    زيت كثير بصل احمسيها الين يذبل البصل ويصير بني فاتح حطي ملح وبهارات وصفار وفلفل اسود وخذي شوي من الرز من فوق واخلطيه مع الكشنه وحطيها من فوق وخليها على الرز ساعه كامله

    كبسة اللحم نفس الطريقه بس لاتملحينها في الطبخ وزيدي عليها حبتين طماطم في الحمس مع مكعب ماجي وخلي مدة طبخ اللحم ساعه كامله واللحم طلعيه وحطي عليه شوي بهارات مخلوطه بامغرفه من موية اللحم وشوي صفار اللحم وحمريه في الفرن
  4. @ghramy_toto

    توني الحين مسويه كبسه وماخذه كمية مدايح من زوجي
    مع اني اول مره اسويها كذا
    بس عجبته

    بقولك الطريقه

    حطي بصله مع ملعقتين زيت مع نصرحبة ماجي وقلبي البصل شوي
    يدوب لين يصير ذهبي لايحترق
    حطي نص دجاجه لانها تكفيكم ( قبل تبدين غسليها بماء ثم نقعيها بماء وخل ابيض ثم غسليها وحطيها ع البصل)
    قلبي الدجاجه مع البصل وعلى طول
    حطي على الدجاجه بهاراتك
    راس ملعقه فلفل اسود وراس ملعقه زنجبيل << كثري الفلفل الاسود والزنجبيل اذا تبينها حاره
    وحطي شوي كمون وشوي كركم كل هذا على الدجاجه
    لاتحركينها خلي البهارات عليها
    وصبي من جنب القدر نص كوب مويه
    يعني بس تغطين سطح القدر بالمويه
    وحطي على المويه هذي معجون طماطم كثريه اذا تبها حمراء


    الحين
    سكري القدر وخلي البهارات اللي فوق الدجاجه لين تذوب
    وتحسين الدجاجه تشربتها
    وبنفس الوقت الصلصله تبدا تغلي مع المويه وتطلع ريحتها
    خليها تقريبا خمس لعشر دقايق
    وتكونين مراقبه علشان لاتخلص المويه وتحترق
    الحين كملي عادي وصبي مويه تغطي الدجاجه وخليها تغلي وحطي ملح



    بعد ماتنجح الدجاجه
    امسحيها بصويا صوص مع شوي من المرق علشان لاتنشف وحطيها بالفرن عشر دقايق

    جيبي قدر
    وحطي الرز فيه ( تكونين منقعه الرز من يوم ركبتي الدجاجه )

    وصبي عليه من المرق لين تغطين الرز ب2 سانتي فقط
    وخليه يغلي اول مايغلي قصري النار وسكري الغطا
    وراقبيه
    اول ماتحسين قربت تنشف مويته ذوقي
    اذا اوكي خلاص طفي
    اذا ناشف وميبس باقي زيديه من المرق بس لاتكثرين
    بالمغرفه زيديه مره بعد مره
    ماراح يحتاج كثير
    وبالعافيه راح يطلع طعم الرز مركز
    تقدرين تضيفين بهارات ع الرز زياده بس هالطريقه توني توني الان مجربتها

تابعي تجارب أخرى من هذا القسم.