~~~ تجمع 2 للمرضعات الطامحات للرشاقه~~~/اكتفى

سلام بنات وش اخباركم اشتقت لكم كثيييييير ويارب تكونوا وصلتوا للوزن اللي تتمنونه وعسا الله يحقق امانيكم



بالنسبه لي رجعت زدت٥كيلو لاني فليييييييتها من قلب وع الاخر. ووزني الحين٧٣. وان شاءالله برجع التزم وانزل لل٧٠باذن الله




حبيت ادخل واسلم عليكم ،،، واسال عن فروحه وش صار عليها ووصلت للمثالي ولا لسا

بحفظ الله

السلااام عليكم
اخباركم مع الدايت وحشتووووني بقوووه

يالله خلونا نشد الهمه من جديد ونوصل للرشاقه

خطوره واغصان ولاموانااا كم وصلتي الحين
وجعبه وكل الحلوات المرضعات يالله عطونا اوزانكم وحماسكم


انا تركت القروب قبل اسبوعين لان ولدي طاح وتكسر وجلست عند امي اسبووع واكل غدا وعشااا

وزدت كيلوين

وحاولت اعوض واخسرهم ذالاسبوع

وابشركم نزلت الدوره بعد

المهم وزني اليوم بفضل الله ٦٥،٥

ويارب الاسبوع الجاي انزل اكثررررر

هلاا عمورة العسل اخبارك حبيبتي وحشتينا😍

كيف حالك؟

اووبس انتبهي على وزنك يا عسل .. اهم شي تحافظين عليه😥

امورنا طيبه بس فروح لا😅

انسحبت ووزنها زاد حبتين خخخخخ



هلا وغلاااا بالعسل

نورتي وحشتيني

ماعليه شر ولدك يقوم بالسلامة

مو مشكلة كيلوين يروحون بسرعه


انا اموري تمام😊

وزني هذا الاسبوع وصل 78.1

البارح ع العشاء خربتها لكن بإذن الله باستمر ع الحمية القوية😁

يللا نكون اقوى يا دانه😘

بنات اخباركم
انصدمت لما ماحصلت تجمعنا في بداية المواضيع
انا دوبي راجعه من السفر وببدا اكل صحي ورياضة
الحمدلله ماخربتها كثير في دبي وحبة وحدة فاليوم ومشي كثير بس الحلا كثرت منه
قبل السفر كان وزني ٦٥ وامس وزنت ٦٤،٧ واليوم ٦٦ انجنيت ماادري اي الي صدق

الصدمة أني طلعت حامل 😔😔😔الحمدلله على كل حال .. بس بستمر على نفس نظامي قبل .. بنتي عمرها ٦ شهور وماودي اترك الرضاعة الطبيعية الى الولادة ايش رأيكم

السلام عليكم اخباااركم 

خطوره وينك كم صار وزنك الحين 
لاموانا دخلت ابي اشوف التنافس اللي بينا وكم وصلتي الحين اثاريك حاامل 😢
ربي يتمم عليك ويرزقك الهون والسلامه وماانصحك ترضعين دامك حامل لان كله من جسمك وصحتك 😢

انا حاليااا وزني 62،5 ولله الحمد والمنه 
يالله بنااات خلونا نحمس بعض وينكم ووين اياكم خلونا نتحمس العطله الصغير جااايه نبي تصير كوووشخه