بسم الله
بديت اليوم بالوزن ولقيته نفس امس ماتغير
٩٤ حكم 😅
افطرت قريصات اذا تعرفونها
دقيق بر مع بيضه تنعجن بمويه وتصب عالصاج ولما استوت قطعتها مربعات وكنت مجهزه بصل مقطع صغار وطماطه وصلصه مع شوي بهار وملح وحطيت المكعبات عليها واخليها شوي تتسبك معها
لذيذه وخفيفه اكلت منها قرابت الكوب تقريباً الحمدلله
والغدا بيكون رز ابيض وسلطه وصدر دجاج
واليوم بنطلع فالله يستر من اي تخبيص 🙄
وإن شاءالله ارجع لكم الليل اقول لكم وش صار
واشكر كل اللي متابعيني ويشجعوني لبى قلوبكم يارب والله يمكن لوما تشجيعكم يمكن الاراده من صيد امس 😂
سبحانك اللهم وبحمدك أشهد أن لا إله إلا أنت استغفرك وأتوب إليك
رجيم الارز 😊
متابعة النقاش، صفحة 5
بالتوفيق يارب وان شاء الله يارب تحققين هدفك 👍 ..(نصيحة) لا توزنين يوميا ..خصصي يوم واحد بالاسبوع مثلا يوم الجمعة الصبح وعلى معدة فاضية وملابس خفيفة وبعد ما تدخلين الحمام... الله يكرم السامعين ....و كثري من شرب الموية و اعصري مع الموية ليمون او قطعي الليمون بينها حلقات ..وقبل النوم كلي زبادي خالي من الدسم ..واذا جيتي بتاكلين الزبادي اذا عندك دارسين مطحون ذري على الزبادي شوي منه ..الدارسين يساعد على الحرق ...واخر شي لازم رياضة ما اشوفك تجيبين طاري للرياضة ضروري رياضة عشان تقاومين الترهلات ..امشي كل يوم ساعة او نص ساعة ع الاقل ..(رح تلقين تمارين مشي باليوتيوب بالمنزل تتحركين وانتي بمكانك كأنك تمشين مع حركات لليد والرجل وكذا) نزلي لك كذا فديو تمرني وشوي شوي بتصير حركاتك في التمارين فيها مرونه وبتصير اغلب التمارين عندك سهلة بين كل فترة وفترة ورح تحسين بنفسك و بتتحمسين اكثر..واذا عندك في البيت سطح والا حوش والا درج ياسلام☺👍و الا اذا جيتي تبين تستحمين اغتنمي الفرصة قبل الاستحمام تمرني نص ساعة مثلا او ربع ساعة متواصلة قوتها ع حسب قوة تحملك عادي لان قوة تحملك رح تزيد مع الوقت ..واذا كنتي جالسة قدام التلفزيون تحركي لا تقعدين ثابته ع طول ..يعني اذا كنتي تتفرجين و جا فاصل اعلاني وكان فيه مجال .. سوي تمارين ل يدك او تمارين للبطن او الظهر الين ينتهي الفاصل..
ونصيحة كثري من شرب (الموية) ترى مفيدة واذا كنتي من الناس اللي مايحبون يشربون موية كثير ..نكهيها.. قطعي لك بينها حلقات ليمون او خيار شرايح رقيقة.. و حاولي تقللين كميةالملح في اكلك قدر الامكان 👌لان الملح يحبس السوايل بالجسم..