قروب للاوزان الكبيرة لتنحيف(الجزء الثالث)

حياك حبيبتي
اكتبي وزنك
ثم ابتدي بنظامك واكتبي يومياتك الوزن كل خميس

الله يقوي عزيمتك بارك الله فيك

انا امس ماكتبت كان النت مقفل عندي
باذن الله نرجع نكتب اليوميات

متفقه معاك تماما و هذا راي ايضا بعد تجربة عدة ريجيمات و أنواع مختلفه من التخفيف لكن عن تجربة الابتعاد عن النشويات بانواعها والسكريات كذلك راح نشوف فرق كبير على الميزان.. لان تغيير بسيط بنظام الاكل راح يفرق كثير من ناحية السعرات الحرارية..

بعد نزول الوزن ممكن نبتدي بالتخفيف عادي حتى نحافظ على الوزن المفقود و بنفس الوقت نتعود على حياة صحية

لكن كل واحده منا لها القرار ..في الي تأخذ الامور بسهولة ويسر تنزل بالشهر كيلوين.. و في الي ما عندها صبر تضغط كثير على نفسها و تنزل اقل شي ٥ كيلو بالشهر لكن المهم النتيجه و ان شاء الله نوصل جميعا لاوزان جميلة راضين فيها💝💝

انا خسرت 13 كيلو خلال شهرين او ثلاثه شهور ما اتذكر كم بالضبط
وكان الفرق واضح كثير على مقاسات جسمي وملابسي صارت واسعه بشكل ملحوظ
واي شخص يقابلني حتى اهلي اللي معاهم في بيت واحد وكل يوم يشوفوني لاحظو اني نحفانه الحمدلله ولازلت اتذكر الشعور الجميل لما احد يلاحظ نحافتي .

نظامي الغذائي كان في البدايه يميل الى نظام السعرات الحراريه بحيث ما اتجاوز 1200 سعره حراريه باليوم الواحد وكنت احياناً ما ألتزم بدقه واوصل 1300 أو 1500 سعره حراريه .

لكن ما ادقق كثير لاني امارس تمارين الزومبا وامزجها بالهروله او المشي السريع او الخمسه ميل اقل شي 20 دقيقه الى نص ساعه .

وطبعاً خلال فترة الرجيم قرأت كثير عن عدد السعرات الحراريه في اغلب الاطعمه والمشروبات وصار عندي وعي وش الاكلات اللي اكلها بدون حذر والاكلات اللي لازم احذر من كثرتها وبالتدريج صححت افكاري

ثم مع الوقت بعد ماصار عندي فهم بالاكل اللي سعراته عاليه والخفيفه صرت اعدل نوع اكلي واعتمدت على نظام اني اكل نص الوجبه بدون حساب سعرات حراريه وعادي اكل من طبخ البيت او المطاعم لكن اهم شي الكميه اكل نصها فقط وجنبها طبق سلطه واذا كسلت لو مجرد اجيب خياره وكم ورقة خس واكلها جنب الساندويش واكيد ادخلت الخضار الغير نشويه للغداء لاني راح اكل رز قليل فلازم اعوض النقص بشي ما يسمن مثل الخضار والسلطات .

وبين الوجبات احياناً اسوي شوربة خضار او شوربة الفطر اللي تجي مغلفات جاهزه لان سعراتها قليله
واحياناً بوب كورن بالمايكروييف واحياناً سلطه خضراء او ايدام خضار من المتبقي بالغداء

وكنت اكل شوكلاته وشبس لكن بالاسبوع او الاسبوعين مره ما اكثر
وقللت بشكل كبير من زبدة الفول السوداني والمايونيز والطحينه والدهون والمقالي
والسكر كذلك لما اشرب شاي احط كميه بسيطه
واذا اضطريت اكل مقلي او اشتهيت بطاطس مقلي اخذ كميه بسيطه واحاول اضغط عليه بمناديل عشان اتخلص من الزيت واكله ما اخليه بنفسي .

وانتي يا نعومي ماشاء الله عليك احس عندك اراده واشوفك غيرتي لنظام اللقيمات اذا مرتاحه عليه كملي بتستفيدين كثير منه لكن برضو عشان تستفيدين كثير لا تكون لقيماتك اليوميه يغلب عليها الحلا او الدهون جسمك ما يستفيد منها ادخلي لوجباتك سلطات خضراء سبحان الله انا الى الحين اذا بدأت بسلطه خضراء اشبع بسرعه قبل لا اكمل الساندويش .