قروب للاوزان الكبيرة لتنحيف(الجزء الثالث)

يارب ❤جميعا حبيبتي

هذا الي الان اسويه بعد ماااحرمت نفسي اكل ومنعت نفسي طلعات وعزومات او اروح وع اعصابي واخبص بالاخير واتنكد واحبط واترك الدايت او اجله لفتررره
الان عندي قناعه ابن ادم مع التخفيف راح ينزل وزنه بنظام اللقيمات نزل اول يوم نصف كيلو من تجربته وبعد اربع ايام نزلت كيلووو
والاهم النفسيه مرتاحه ماافي الحاح ع الاكل او طول الوقت افكر بالاكل لا اول شاغلني ع طول
الان اهم شي امشي ع التوقيت وع حجم القمه الي راح اكلها عشان المعده تشتغل وتحرق اكثر
وكلامك صحيح ١٠٠/ ان الاكل االصحي ولو استبدله كل شي دهون وسسكر بشي صحي راح انزل اكثر ممكن اسوي كذا ليش لا بس الان مستمتعه بنزولي مع الاكل العادي وتاكدي خلال هذا السنه راح اول لوزني المثالي باذن الله ☺️

تجربتك جميله
انا كانت لي نفس تجربتك قبل ٦ سنوات لكن فااارق بالوزن عن الان
كنت توي والده وخلال شهرين نزلت كثير من وزني لا اتذكر كم
كنت اقرا كثير عن السعرات واكلي اغلبه سلطات واكل صحي ولا اخبص الا نادرا ويمكن اكل شوكلاته داكنه مره بالاسبوع
ونزل وزني خلال سنه لوزن مثالي وكنت مضرب للمثل بالاراده والعزيمه والصبر
ولكن حملت ع طول وانا باقي ماتهنيت بوزني
وبعد الحمل استمريت محافظه ع وزني ٤ سنوات لكن تغيرت الحياه وتغير كل شي حولي ممكن كبرت العيله والاكل اختلف ممكن الزيارات اكثر من السابق ممكن اسباب كثيره لكن اكتشفت ان السر هي الاراده لما تكون عندك اراده حديد والله لو يحطون قدامك مالذ وطابمااارح تخبصين لن عندك خطه في بالك كنت عايشه ع اكل مايشبع نونو هههههه
بس كنت مرتاحه نفسيتي مرتاحه انا الي في بالي كذا وراح اثبت للكل ان قدهااا
الان ممكن العمر له دور
الان العمر دخلت الاربعين هههههه النفسيه تغيرت بس الروح روح شباب بس مالي خلق😂
اهم شي هو القناعه لا اكثر ولا اقل ممكن بكره اقولك خلاص قطعت النشويات 😂او السكر كلها قناعه

هيرو مو غلط النشويات الجسم يطلب نشويات لكن قللي الكميه وراح يفرق معاك

انا ضد الامتناع عن النشويات لا تخلين هالموضوع يضغط على اعصابك ويلعب بنفسيتك
لكن المقصد من كلامي مثل ماقالت نعومي انك فقط تقللين من مصادر النشويات في وجباتك وتعوضين النقص بمصادر اخرى غير نشويه وبنفس الوقت مشبعه ..

مثلاً غداك : 4 ملاعق رز + قطعه بحجم كف اليد او نصه لحم او دجاج او سمك + طبق سلطه خضراء + الايدام بدال البطاطس اللي هو نشويات استبدليه بكوسا او باذنجان او زهره او الخضار الغير نشويه اللي ذكرتها لانك اخذتي النشويات من الرز فما ينفع تزيدين النشويات بأكل البطاطس .

وفطورك: عادي كلي نشويات مثلاً 1 صامولي بر او 2 توست بر او ربع خبز كبير بر
لكن معاه اضيفي شي يشبعك ومايسمن مثل الخيار الطماطم الجرجير الخس مع مسحه خفيفه جبن سايل
او بيضه مخفوقه او مسلوقه او كتغيير ملعقتين مليانه فول او عدس او لبنه

وتذكري ان العين هي اللي تاكل قبل الفم وكل ما اضفتي سلطات خضراء بالطماطم والفلفل الرومي والبصل الاخضر والجرجير والسماق وغيره جنب وجباتك بالاضافه لطبق صغير خضار نفسياً بتحسين انك ماحرمتي نفسك من شي وبنفس الوقت تحسين بالشبع .

الله يسعد قلبك ويوفقك ويبشرك بكل شي يسرك 🌹