السلام عليكم
كيف حالك يادكتوره ريهاموالله وحشتيني
احب اطمنك اني الان ولله الحمد وصلت 58 ك
وباقيلي 8 كيلو واصل للوزن اللي ابغاه
مع العلم انا طولي 153 سم ووزني دحين 58 ك وعمري 27 سنه ومتزوجه وولدي الله يحميه عمره 5 سنين وحركتي مو مره كتيره يعني احب اريح نفسي مااحب اتعب نفسي على الرغم انا ماعندي شغاله في البيت يعني عندي شغل البيت بس على خفيف
المهم يادكتوره انا اديتك هدي المعلومات عشان ابغا اعرف لمن انشاالله انزل ال 8كيلو
كم سعره حاحتاج عشان معد يزيد وزني ؟؟؟؟؟؟؟؟؟؟؟؟
وممكن تديني كمان نظام غذائي لحياتي امشي عليه عشان احافظ على رشاقتي؟؟؟؟؟؟؟؟؟
وممكن تحدديلي كم من الحلى ممكن اكل بدون مايزيد وزني يعني في النظام الغذائي خليلي كم سعره للحلا عشان يصير لمن اشتهي حلا اكل بحساب عشان مايزيد وزني لاني احب الحلا وهو اللي كان يتخني فابغا اعرف كمية الحلا والسعرات اللي محدده لو في اليوم الحلا زي (شوكولاته- بسكوت - دونات - جاتو - كيكه - بتفور -كيكه سوفليه من استار بكس مدمنه عليها - مفن) يعني من هدي الاشياء0
ومره شكرا لك يادكتوره وغلبتك معايا
وادعيلي انو ربي يوفقني وانزل الى 50 كيلو يارب
من يحتاج الى اخصائية تغذية ؟؟؟؟
متابعة النقاش، صفحة 1,328