طريق رشاقتي بإذن الله ✨

هلا بك .. الله يرفع قدرك .. مشكورة على التشجيع والله يبلغك الرشاقة ويعافيك حبيبتي..🌻

الثلاثاء١/٢٣
الحمد لله على نظامي وخطواتي


ونصيحة أي وحدة تبي تنحف عليها بـ 🥚
رهيب يشبع ويغذي وينحف
البيضة الوحدة فقط ٧٠ سعره تقريبا
وطرق طبخه منوعة
تقدرين تسوينه بأي طريقة تحبينها مسلوق عيون أومليت تاوة
بس الأفضل بدون زيت ..

الأربعاء ١/٢٤
الحمد لله على نظامي وخطواتي ..✨♥️


◾️دائمًا إذا فضيت أجلس أتصفح هالقسم بمواضيعه القديمة الله يذكر أصحابها بالخير وأكيد لاحظتوا مثلي كيف المعلومات فيها أخطاء فضيعة لأن الناس سابقًا ماتتيسر لها المصادر الصحيحة والأبحاث والدراسات الحديثة ..

أما الآن فمواقع التواصل عامرة بالأخصائين اللي أفنوا حياتهم بالدراسة والإطلاع والتجارب .. وماقصروا يجاوبون ويردون على الناس .. وينزلون مواضيع متعوب عليها .. أنا أغلبهم أتابعهم على الاستغرام ولهم حسابات بالتطبيقات الأخرى .. دايت ننجا .. الحداد .. عبدالله الحسيني وغيرهم كثيييير .. أحس هالحسابات والإطلاع اليومي عليها تشجع على الاستمرار بإذن الله ..


الله يبلغنا الرشاقة على خير 🌻

الجمعة ١/٢٦


الحمد لله على نظامي وخطواتي ..


قبل شوي سجدت سجود الشكر لأني بفضل الله وتيسيره
💕💕 كملت ثلاثة شهور 💕💕


والله ياعزيزاتي مافيه مثل الاستعانة بالله تعالى والإلحاح في الدعاء
أول مابديت توقعت حماس ثم فتور خاصة من ناحية الخطوات والرياضة ماتوقعت أستمر لأني ما أحب الحركة وكذلك موظفة مشغولة وعندي زوج وعيال ..لكن بالاستعانة بالله كل شي يتيسر


الحمد لله ملابسي استاسعت .. مظهر جسمي ترتب وواضح التغير
الوزن يمكن نقصت ٦ كيلو .. بشرتي نوّرت يمكن بعد فضل الله
السبب كثرة شرب الماء .. والماء وأحرص عليه لأنه يساعد بقوة في كبح الشهية..




كنت إذا مليت أو تعيجزت عن المشي أجلس أكرر( لاحول ولاقوة إلا بالله) باستشعار لحاجتي لمعونة الله .. وسبحااااان الله على طول أشوف أثرها ..


لاحول ولاقوة إلا بالله كنز من كنوز الجنة ✨✨
يارب بلغنا الرشاقة على صحة وعافية ❤️

الله يبارك لك فيما عطاك و يقويك
ومبروك عليك النزول
ولكل مجتهد نصيب قويتي نفسك وكملتي
الارادة تساعد على الاستمرارية