تجمع جديد ومشوار جديد لتحقيق حلم الرشاقه

مرحبا بنات
نظامي اليوم الجمعه
قبل فجر الجمعه تسحرت على موزه وجزره
صمت ثاني أيام البيض
وقت أذان المغرب أفطرت على ٣ تمر بطحينه + توست بر محشي فول سوداني مع زبادي
بعد صلاة المغرب قهوه + شاي بدون سكر مع قبضة اليد حب الشمس
الرياضه تم مشيت ساعه
والماء تم لترين الحمدلله✅

هلا بنات
قاعده افكر بيني وبين نفسي ليش انا مااكمل الدايت
لاني احط لي برامج اكلها قليل وانا وزني كبير اصلا
ومتعاوده اكل اكل كثيررررر يكفي كذا شخص
فكرت ليش ماحط لي نظام فيه اكل مشبع وارتاح عليه واجرب يمكن يضبط وانتظم
النظام هو
الفطور
٢ توست بر + جبنه أو لبنه + سلطه
سناك بعد ٣ ساعات من الفطور
٢ كيوي واذا ما متوفر فاكهه وحده
الغداء
١٠ ملاعق أرز أو اقل حسب شبعي
بس اكثر شي ١٠
+ دجاج او سمك او لحم
+ سلطه
سناك بعد ٣ ساعات
حليب كوفي او قهوه او شاي + ٣ تمرات
العشاء
قبل النوم بساعه
فاكهتين + زبادي
او
٤ ملاعق شوفان + حليب + عسل وشوي قرفه

ممتازه
واهم شيء لاتكثرين أكل زيادة على هالنظام ولو كان صحي علشان ماتكون النتيجه عكسيه وتسمنين

وانا بالنسبه لنظامي اليوم السبت
قبل فجر السبت تسحرت على برتقاله مع ملفوف
صمت ثالث أيام البيض
بوقت أذان المغرب أفطرت على ٣ حبات تمر بطحينه + توست بر محشي فول سوداني مع زبادي
بعد صلاة المغرب قهوه + شاي بدون سكر مع قبضة اليد فصفص
الرياضه تم مشيت ساعه
والماء تم لترين الحمدلله ✅

اليوم تاريخ ١٧-٤-١٤٤٣
٢٢-١١-٢٠٢١
اليوم هو يوم التغير باذن الله
وزني ١٣٠ و٣ جرام
طالعت في شكلي في المرايا
١-شكلي اكبر من عمري كاني جده في عمر ٧٠
٢_ ركبي على طول تعورني وجسمي يعورني
٣- دائما نايمه ومنسدحه وماتحرك الا قليل
٤_ اكل واكل لين مااشعر بالتخمه كني في حوش أرعى مثل البقر ( عذرا على هالفظ بس ابي ضميري يصحى شوي)
٥_ مااكشخ لانه في النهايه مايطلع شكلي حلو
٦- مااحس باأنوثتي ومعالم الانوثه مخفيه في وسط هالشحوم والملابس الواسعه