شاركي في النقاش

سجلي الدخول لإضافة تعليق.

التعليقات

97
  1. يسلموا ياسومه على العصبان والله شكله يمـــــــــــــــــــــــــــــــــــــــــــــــــــــــــ يم لكن حبيت اقولك شىء ممكن بدل ماديرى عقدة للمصارين اديريهم بعيدان الاسنان عرفيتهم زى السله

    ومزيدا من التقدم
  2. @asmaaa_208

    صاحبة الموضوع
    السلام عليكم ورحمة الله وبركاته
    ام نضال اهلين بيك وكيف حالك وكيف حال نضال ان شاء الله تمام ووينك شن صار جربتي المقروض والالا شكلك جربتيه وطلع صكة :17: عموما صحيتي علي الردود الحلوة والعبنبر اللي نقصده امتع اللوز ولكن مايضرش ان نعرفوا طريقة عبنبر جوز الهند واهو زي ما يقولوا نشموا عليه ريحة البلاد وبالنسبة لحكاية العصبان والله شن بنقولك انا لما كنت في حوشنا ( قصدي قبل الزواج) ماكنتش عندي عليه هلبة العصبان واللحم بصفة عامة لكن لما تزوجت وسافرت الحكاية تغيرت لاني حسيت ان اللحيمات هنا ابن وزي ما يقولوا الحق ينقال والعصبان حتي هو قنين لكن العيب الوحيد انك ما تحسيش بالبنة متعه زي ماانتي في جنب اهلك وناسك وهاذيك اللمة القنينة والتهذريزة القنينة وممكن هذا اللي صاير معاك يا ام نضال عموما مشكورة هههههههههههلبة والله باين من كتابتك ان دمك خفيف وعندك روح النكتة ربي يحفظك لعوليتك علي فكرة لقيت موضوع خبزة الحوش ( قصدي الشعير ان شاء الله حنجربها ) انا ينطبق عليا المثل امتع الدوة هلبة والتُمرة قليلة يعني انقول بنجرب وهات ياكلام:27: :27: :27: سلامات توة
    اختي ام عبد الرؤوف شكرا جزيلا علي المرور:26:
    اختي شجرة النارنج الله يسلمك ويبارك فيك والملاحظة اخذتها وان شاء الله انطبقها واسمك حلوووووووو
    :26: :26: :26:
    شكرا اخواتي علي التشجيع والمرور وياريت اللي عندها صور للاكلاتنا الليبية زي الكسكسي بالبصلة تعطيني الرابط لانه واتي عندي لكن الصور ماعنديش وام نوفل بارك الله فيها ماقصرتش بالنسبة للكسكسي لكن الصور مش ظاهرة عندي للاسف والصور تبهدلت وانا نبحث عليهم في النت لين لقيتهم
  3. السلام عليكم
    منورة يااسماء جبتلك صور لطاجين الدجاج بس علي طريقتي وان شاء الله يعجبوك





    تحياتي ليك ولجميع الاخوات اللي يتابعوا في الموضوع
  4. @asmaaa_208

    صاحبة الموضوع
    السلام عليكم ورحمة الله وبركاته
    ام نوفل اهلين بيك مرة ثانية وربي يحفظك , وشورة انا ما عنديش نصيب نشوف تصويراتك لان حتي طاجين الدجاج مابانش عموما صحيتي لكن المفروض كملت وكتبت الطريقة باش يكون متكامل
    يعطيك الصحة ويحفظلك نويفل ومولي بيتك:26: :26: :26:
  5. السلام عليكم
    اهلا اسماء والله ماني عارفة شنو قصة الصور معاك توا نحاول مرة ثانية من موقع اخر اذا لقيت
    وبالنسبة للطريقة انتي كاتبتيها بس فيها شوية اختلاف اعتقد الصورة موضحتها واذا حد يبي الطريقة ان شاء الله توا نكتبها
    موفقة يااسماء :26: :26:

تابعي تجارب أخرى من هذا القسم.