بسم الله الرحمن الرحيم
اخصائية التغذية عالم حواء تحية طيبة
انا عمري 28 سنة
من عمر المراهقة حتى قبل سنتين بالضبط ووزني ما يزيد عن 65 وطولي 162
مليانة على قولتنا في بعض المناطق عظامي مو عريضة بالعكس وخصري كان حلم لكل اللي حولي
وماعندي حتى بطن مع اني ما عمري سويت رياضة او دايت
وكان ذلك يناسبني قبل زواجي قدرت انزل وزني الى الوزن المثالي يعني 58
ولما حملت مازاد وزني
اعتقد يمكن لان كان وحمي على اي شي حالي او فيه سكر او مقلي
بس 6 كيلو زاد الين الثامن ولما دخلت التاسع كملت 9 كيلو وصل وزني 77 قبل الولادة
بعد الولادة نزل الين 72 بعد ما طلعت من الاربعين
وتدريجيا خلال شهر رجع وزاد الى 77 ثانية
وعليها الى الان لي 6 اشهر ما نزلت ولا نص جرام مع اني ما اكل لان معي قولون
و المقالي ما اكلها ولا المعجنات ولا الحلويات ولا الرز ولا المكرونة او اي نشويات
حتى الخبز ما اكل الا بر واشرب عصيرات من دون اضافة سكر و ماء تقريبا لتر ونص يوميا لاني ارضع طبيعي
وامشي في اليوم ساعة كاملة بس
و لا عندي خادمة يعني اشتغل بنفسي بالبيت و اربي بنتي بنفسي وفوق كل هذا
اعمل في دوام طويل فوق 7 ساعات وكله كرف و مشاوير مشي طبعا واللي منها لحضانة بنتي
اللي تبعد عن مكتبي 500 متر
عجزت اني انزل وزني وحاشني اكتئاب فظيع و نفسيتي كلش ما لي خلق على الدنيا كلها
كنت البس مقاس 10 والحين يالله 16 حزنت وكرهت السوق والملابس ولا عاد اعرف الكشخة
لدرجة اني صرت اتحاشى الناس والمناسبات
شعري اندمر و راحت لمعته وجهي مصفر وكأني مريضة :09:
ولا اطيق اطالع مراية لاني اتحطم لما اشوف اماكن ما كنت فيها اعاني من اي سمنة
صار شكلها مقزز زي منطقة الساق والارجل و الفخوذ حدث ولا حرج
وصدري صار فيه ترهل فظيع و صار عندي عضد و عضلات و كرشي مترهل وزادت فيني الالام الظهر
و ما اقدر انام لاني اختنق بالنفس وانا نايمة ويألمني صدري
والالام كتفي و وركي ما تخف مع الراحة ولا حتى مع الادوية
ابي انحف نويت انزل وزني بالرياضة وادخل نادي
بس اكدو لي كل الدكاترة اللي راجعتهم على الرياضة مع الرجيم
وانا خلقة ما اكل اخاف اخفف زيادة وتتأثر رضاعة بنتي
وهل اعمل تحليل دم عشان الرجيم عشان يحسبون نسبة الدهون والكتلة زي ما نصحوني زميلات لي
والمناسبة ناوية اعمل lpg بس ما ادري هل تضر لاني سمعت عن تغيير الهرمونات
حتى زوجي ينتقد منظري و يقول حتى وقفتك تغيرت مع وزنك
الله يجزاكم خير ساعدوني اني اخرج من هالوضع وتتحسن نفسيتي:06:
ولا تبخلوا علي بالنصيحة
من يحتاج الى اخصائية تغذية ؟؟؟؟
متابعة النقاش، صفحة 3,392