اختي ام الغاليه ولوووووزه وAME اسعدتني جدا ردودكن--واعود اليكن بقصه اخري بعد ان اعطتني ام الغاليه الضوع الاخضر--
هي ابنة عمه--جميله علي قدر متوسط من التعليم --خلوقه--تزوجها وهي مليانه--لم يرزقها الله منه بعيال --مع الزواج (طاشت ) اصبحت سمينه بشكل ملفت--نصحها الدكتور بتخفيف
وزنها ان ارادت الحمل--والبنت مصره علي ان امها قبلها كانت سمينه ولم يمنعها ذلك من الانجاب --حاولو افهامها ان وضعك غير امك دون فائده البنت غير مقتنعه بالرجيم نهائيا
ومع السمنه اهملت ايضا جمالها--كانت اذا زارت احد او مشت مسافات قليله يتصبب منها العرق بغزاره بشكل يثير الاشمئزاز--غير الفحيح كانها راكضه مراثون--حاولت بعض من صديقاتها بطريقه وديه ان يفهمونها ان زوجها شاب وسيم وفي مقتبل العمر--يحتاج انه
يشوفها جميله انيقه--وان تنسي مسالة الحمل وان تركز علي نفسها وكسب زوجها--ويا كثر مستحضرات التجميل في الاسواق ومزيلات العرق-والعطور والبخور--الخ لكن عمك اصمخ
البنت تبلدت احاسيسها--لانها الظاهر حست بلامان اتجاه زوجها لانه طول هالفتره من الزواج لم يفكر ان يتزوج عليها (ثمان سنوات ) ولم تكن تحتاج الا الي رجيم منظم يعيد الي حياتها
التوازن خاصه بعد ان بدات حمولتها--بالتذمر من وضعها--الي درجه ان خالاتها جلسو معها وقالو لها ان خالتك --بدت تخطب لولدها--يا بنت الناس اخذي خطوه ايجابيه--الدكتور يقولك
انك طبيعيه وتقدرين اذا الله اراد انك تحملين باي وقت --لكن محتاجه فقط تخفيف وزن-----
واذا انتي حلوه تري فيه احلي منك --وذا انتي صغيره فيه اصغر منك--وزوجك له عيون يشوف اشكال والوان-برا--والتلفزيون ينبه حتي النايم--شوفي البنات هاالبس وهالصبغات--وهال
مكياج وانتي انسانه واعيه وتعرفين هالامور--يعني قالولها بالعربي الفصيح عن الوضع وشرحوه لها بالتفصيل--خاصه ان بنات هالوقت ممكن اي وحده منهم تلعب بعقل زوجك بغنجها
ودلعها والرجال مثل الطفل يموت بالالوان--ممكن ينسي طيبك وعشرتك بلحظات --اذا جا سيل يغطي علي سيلك --نعرف كثير من البنات اللي تزوجي علي ضره--وهن في سن صغيره تقولك
ابيه ويبيني--وهو مو مرتاح ولا هو سعيد مع زوجته--هاذا اذا ما احكمت بطلاق الاولي--وهو
زي الابله--يرضخ لانه حس برجولته وانه ما زال مرغوب من هالبنت الصغيره الجميله--
ورماك ورا الشمس--واقعدي اندبي حظك--لكن ماكو فايده البنت --بارده --وقامت تعاند اكثر واكثر--والزوج المسكين--ينبها مره ومره--وبالاخر وهي الضربه القاضيه--حيث انه حجز تذكرتين الي التشيك--في منتجع صحي--والمسيكين حجز حق نفسه معاها علشان يشجعها لمن هي ماهي الصراحه كفو--تدرون ليش لانها ارفضت رفضا تاما--واصرت انه اذا يبي يسفرها
يوديها لبنان--كسياحه فقط--بذمتكم ما تحرق الاعصاب؟؟؟؟؟؟؟؟؟؟؟؟؟؟؟
وكانت بداية النهايه --ولسان حاله يقول ( انا فاض بيه ومليت ) وقالها : روحي بيت اهلك باباي
خليهم يودونك لبنان علي راحتك--رضينا بالهم والهم ما رضي فينا--وطلقها وتزوج ثانيه ----
اهو جمال اهو دلال--لا ومدرسه بعد--وتحمل من ليلتها--تبارك الله --وختنا الثانيه لا زالت --
تعض اصابع الندم --حيث لا ينفع الندم--اااه عورني قلبي--في انتظار تعليقاتكم--
يا راعين الكرووووووووووش
متابعة النقاش، صفحة 8