مساء الخير
كيفكم حلوات
ما شاء الله عليكم بطلتو تخبصو ونقلتو العدوى اللى اهئ اهئ اهئ
والله بدى انجن يومياتى اليوم
الفطور نص رغيف خبزابيض حجم صغير مع جبنة مثلثات
الغدا اه امصيبة مش الغذا بيتزا والله يا بنات مشتهية وما قدرت اقاوم نفسى الله يسامح اللى كان السبب والله بنتى طلبتها وكنت بدى اعملها بطيحن قمح او نخالة وما لقيتها وقال شو رحت عملت مينى عشان ما اخبص حكيت باكل اتنين بيتزا واحد زعتر وبس
اخ ما بدى اقول كم واحدة تحطيم والله
بس منيح انى بعتت لدار سلفى كمية منيحة ولا كان خربت ادنيا بزيادة
العقاب _ اولا من الساعة 4 عصرا ممنوع الاكل شو ماكان حتى لو تفاحة مية وزنجبيل مع شاى اخضر ونعناع وكمون بس
_ ثانيا طلعت را البيت مشيت 20دقيقة مشى سريع
_ ثالثا طلوع الدرج 20ونزول 20
_رابعا لسة فى هرولة ونط حبل لما اعملهم بحكيلكم قديش عملت
_ خامسا تمارين رياضية مختلفة نص ساعة
المية اكيد اكتر من 3ليتر ا عدت اعد
يلا بدى منكم تهزيئة جامدة عشان ما عيدها
وين باقى البنات شدو الهمة وفعلا الاصلاتى كمان يومين بيصيرو تلات اسابيع مرو بدو ما نحس
وينا بيلى ما عادت بينت
وشدو الهمة حلوات ما شاء الله عليكم كلكم ان شاء الله ملتزمين
ويا رب كلنا الى طريق الرشاقة
التصورات نفسى اشوف عالم الخمسينات
بكرا انا طالعة برا عند امى الغدا ولما اروح معزومين على العشا الله يستر والله شكلى لاخرب الدنيا الله يستر مرعوبة بدى اعتبره امتحان اللى ويا رب انجح بالامتحان واقاوم نفسى
تجمع فريق healthy lifestyle حلوة كثير قوية كثير ذكية كثير
متابعة النقاش، صفحة 168