يوميات قروب التزمت14 اختاري الحل الصعب يا تنحفين يا تنفجرين من الشحوم

السلام عليكم ورحمة الله وبركاته ،،
كيفكم بنات
حابه أشترك معاكم بالدايت
انا لي شهرين ونص والد بعمليه ووزني صار خيالي ماعمري وصلت له
اليوم وزنت وزني ٩٢
من بعد ماكنت بالستينات واذا كثرت وصلت للسبعينات
بس انا حملت حملتين ورأ بعض وكل مره انتفخ ههههه
بس ان شاءالله ببدء بدايه جاده ابي ارجع رشيقه
وقروبكم ماشاءالله يحمسسس

الله يفرحك يا ميمونه والله تستاهلين كل خير
روحي سوي تحليل بسررررعة وفرحينا :smile:
بس لا تتركي الجروب هذي أمانه:hahaha:

بنااات أنا قررت اتبع رجيم السوائل كل ساعتين مشروب
هذا الرجيم ينحف ٨٠٠-جرام يوميا يعني ١٠ ايام ثمانية كيلو
شوفو التجربة كثيييير حمستني

أعتقد إنكم قرأتو موضوعي اللي قبل اللي
هو حكايتي من كان وزني 95 ك حتى صار 69ك
وباقي لي 6 كيلو وأصير كووووول
وبالصراحه مليت الرجيمات اللي عملتها قبل
صحيح تنزل وزن لكن في الأخير صار ينزل الوزن بكل بطء
وبحثت في المنتديات ولفت نظري رجيم السوائل مرررررررره
عاجبني وأحسه تماما وإن وزني راح ينزل إن شاء الله
فقررت أمشي عليه إسبوعين لأني بالحقيقه في بعض الأمكان
اللي ودي تروح الأرداف والمنطقه اللي فوقها هي صحيح خفت كثير
بس لمن ألبس تنانير تضايقني نفسياً أحس إني كذب مانزل وزني
مع إن كل اللي يشوفني يمدح ويقول خلاص جسمك حلو والنحف مررره مو حلو
لكن زوجي صار يضحك ويقول على 6 كيلو مو قادره أصلاً خلاص ماعاد بينزل أكثر
وأتحدااااااك ولكي اللي تبغيه ولا أخفيكم الحمدلله
صار لي فتره بطلت المشي والرجيمات لي أكثر من شهر
لظروف اجتماعيه لكن والله ولله الفضل مازاد وزني
لأني خففت أكلي بشكل كبير
المهم لي يومين بدات بهالرجيم
والله خالتي اللي أنا عندها على طول قالت لي
في اليوم الثالث أنتي نحفانه مسويه رجيم
والذي لا إله إلا هو ما كان عندها خبر إني مسويه رجيم
وحلفت لها إنه لي بس يومين وهذا الثالث
طبعاً ماأهتمت تسأل عن الرجيم لأنها ماشاء الله رشييييييييقه
وأنا متملله بمعنى الكلمه وودي حد يشاركني يشجعني وأشجعه ونتواصل
حتى نوصل للي نبيه
واللي حابه تشاركني فيه الله يحيها ويسعدها وينزل وزنها بالصحة والعافيه
نجي للبرنامج
خلال اليوم يمكن تناول :
** 3 أكواب لبن أو حليب أو زبادي قليل الدسم .
** 4أكواب عصير خالي السكر ( ممكن استخدام سكر الدايت تروبيكانا ) .
** شوربة بأي كمية والتوابل والبهارات والملح والخل والليمون والبصل والتوم مسموحه .
** سلطة ( ممكن تبوله أو فتوش تقدري تستخدمي البرغل بكمية اقل وفي الفتوش العيش اسمر ومحمص ) .
** 3 حبات شابورة .
** دجاج مشوي أو مسلوق أو مع الشوربه ( مرتين في الأسبوع أو تلاته )
** جبنه شرائح ( شريحة واحده مرتين في الأسبوع أو تلاته مرات بشرط أن تكون في الأيام اللي ماتاكلي فيها الدجاج ..يوم دجاج ويوم جبنه وهكذا ) .
** لو حسيتي برغبة مرره قويه في الحلى تاكلي تلات حبات تمر بس مو اكتر من مرتين في الاسبوع.
طبعا مهم جدا شرب المويه 8 اكواب تقريبا وبلاش تقيسو وزنكم كل يوم عشان مايجيكم احباط ويفضل تقللو الملح في الاكل لأنو يحبس السوائل في الجسم
من الاشياء اللي تساعد على الحرق :
* الفواكه : الكيوي .. الأناناس .. الجريب فروت
* العصيرات : الكيوي .. الأناناس .. الجريب فروت
* زيت الزيتون ( يمكن إضافته للسلطات )
* خل التفاح ( يمكن إضافته للسلطات )
* الشاهي الأخضر
* شاهي الزنجبيل

 

ايوووده بنتظر يومين إلى 4 ايام
مع اني عارفة ومتاكدة مايحتاج احلل
مافي اعراااض بتاتًا البتة

المهم السوائل احس انه راح ينقص جسمك من خضار وبروتين :frown:
لابد تاكلي شي
يعني يصير تشربي عصير بيض :pinklove:
او عصير تونة او سمك او دجاج :pinklove: