يوميات قروب التحدي 2

طبعا انا معنااه مع الميزان كالعاده .. كل شوي يعطيني وزن , وانا اخذ المتوسط ...

الى ان ربي ييسرها واشتري ميزان ..

الوزن السابق 66.1
الوزن الحالي 65.7
الرجيم المتبع .. النقآآآط

ووزني قبل مابدا بالرجيم ..67.5

ام نوره و جميع البنات الوزن عالخاص لو سمحتوااااا و ما عليكم امر :)

ما هو دافعك الحقيقي و الداخلي و السري اللي ما حد يعرفه لاتباع الحمية و الرجيم ؟؟


نفسي انحف و احس اني رشيقة البس براحتي و ما اخجل من زنودي و اتحجج بالف حجة ليش ما البس حفر او لبس ما له اكمام
ابي انحف علشان صحتي و حياتي و اولادي و اقلل من خطر الامراض الوراثية اللي ممكن تهدد حياتي الله يكافينا و يشافينا و يعافينا جميعا
لما اصبت بسكر الحمل كان ناقوس الخطر اللي ضرب براسي و صحاني
الخوف من انه ممكن بعيد الشر ياثر على جنيني و ممكن يستمر معاي السكر لبعد الحمل كانت اللحظة اللي حسيت فيها اني وصلت للحضيض :(
و لله الحمد ربي اعطاني القوة و العزيمة و وفقني بكادر طبي رائع و قدرت اعدي فتره الحمل بدون مشاكل لكن احساسي وقتها ابدااا لن انساه
ابي انحف علشان اولادي و علشان اكون مثال لهم بالشكل و الجوهر و الاراده و العلم و ما يجي اليوم اللي يخجلوا مني لشكلي مثل العضوه اللي قرات قصتها <<< مررره اثرت فيني
ابي انحف علشان اخلص من تفاهات بعض الناس و كيدهم نكون نتكلم بشكل عادي او نطرق لشهاداتي العلميه و دراستي و بدل ما يقولوا ما شاء الله يطلع تعليق سخيف و تافهه بس لو انك تنحفي شوي
يكون نفسي امسك راسها و اصكه بالجدار و ادقه دق يا شوال يا خيشه يا ام كشه ايش دخل دراستي ايش دخلها بوزني و لا مركب النقص و الكيد اشتغل و ما لقيتي شي تنتقديه لفيتي على وزني :hmh:

ابي انحف علشان اخلص من عقد الماضي و اشباحه و خيبات الامل

ابي انحف علشان ما تضل تراودني الشكوك و يذبحني الوسواس في مصداقية زوجي و كلامه انه يحبني لجوهري و جمالي مو لتغيرات وزني

ابي انحف علشاني مو علشان اي احد ثاني
علشان ابطل خجل من شكلي و من لبسي اللي مكبرني
ابي انحف علشان اعيش الحياة بكل حلوها مو عالهامش او بدور ثانوي
ابي انحف علشان ما اشعر بالحزن كل ما اشوف وحده جسمها حلو و تلفت النظر بلبسها رغم اني اجمل منها
باذن الله و توفيقه بنحف و كلنا بننحف و نستمر بمشوارنا بقوة و عزيمة و اصرار و بالفعل مو بس بالكلام


شكراا لكل من شارك بفعاليه الاسبوع و ما زلنا بانتظار مشاركات البقيه و فضفضاتهم :)

حبيباتي الهدف من فعاليات الاسبوع العمل على الناحية النفسيه و المعنويه في مشوارنا للنحافة
اللي براي اهميتها تعادل اهمية الناحية البدنية و الغذائية و علشان نقدر نوصل لنتيجة ايجابيه شاملة متكامله و ما يكون تجمعنا فقط اكلت كذا و سويت كذا
السمنه مرض يجب علاجه بكل الطرق و بكل الوسائل الممكنة
ارجو انكم تتقبلوا افكاري و مقترحاتي و تعجبكم لكم كل الموده و الحب و الاحترام