السلام عليكم ورحمة الله وبركاته
صراحة كم مرة اكتب الموضوع وامسحه مترددة كثير
اولا انا عضوة معروفة بالمنتدى لكن لأن معرفي يعرفون كثير من اقاربي استعرت معرف زميلتي دانية مع الشكر
ادخل بالموضوع انا بعرض عليكم قصتي وانتو قولولي نصائحكم ارائكم تجاربكم هواشكم كل اللي تبونه
انا انسانة من عرفت نفسي وانا سمينة والسبب يعود لطبيعة اكلنا كل يوم غدانا رز وعشانا مقالي او مكرونات يعني كل شي دسم والكل يلاحظ زيادة وزني ابدا رجيم يوم يومين اسبوع بالكثير واخربط وارجع اللي نزلته دبل وتسوء النفسية وصلت لمرحلة مااحصل ملابسي بالسوق ابدا كل شي اخذ منه اكبر مقاس ومع كذا يكون صيق وشكلي يفشل تعبت كثير واسمع كلام قاسي من كل مكان الين قبل فترة سمعت كلمة من وحدة ماتتخيلون يابنات قد ايش كانت قاسية وكانت الشعرة اللي قسمت ظهر البعير
وبديت دايت لحالي ورياضة وشريت جهازين الاول السير الكهربائي والثاني كريزي فيت واشتغلت على نفسي تمام وخلال فترة نقصت 25 كيلو الحمدلله وزني كان 125 كيلو وطولي 150 والحين صرت 100 يعني باقي كيلو واشوف وزني رقمين صحيح كثير لكن راح تكون اللمرة الاولى اللي اشوف رقمين
انا نزلت 25 بدون اخصائية وبدون شي والكل من اللي حولي قالو انتي مستحيل تنقصين كيلو انتي لازم عملية وانا اموت خوف من العمليات ومافكرت فيها ابد وتحديت الكل واشتغلت على نفسي والحمدلله
بعدين رحت لدكتورة فاطمة المغربية اللي بمركز مايز وقالت لي ليش ساكتة على نفسك وليش سمحتي لنفسك توصلي للهالوزن المهم هزأتني مع العلم اني لما رحت لها كان وزني 104 هذا لو رحت ووزني 125 وش سوت
المهم قالت الافضل لك تنقصين 10 كيلو وترجعين لي وراح ابدا معك ابر الميزوثيرابي وجلسات نحت
مع العلم اني مستعدة اخذ قرض واكسرهم بوزني الجديد زي ماكسروني
الحين في مناسبة 1 / 4 يعني بعد 15 يوم بالضبط والبنت اللي جرحتني راح تحضر وأنا بحاول احضر لو نقصت 15 كيلو يعني محتاجة اوصل 85 عالاقل لو مانقصت ال 15 ماراح اروح ماراح اخليها تشوفني الا بنيو لوك
محتاجة نصايحكم جدا ارائكم تجاربكم ابي تشجعوني وتحمسوني ابي تقولون تقدرين تنقصين كل يوم كيلو ابي طرق رجيمات اي شي يخليني انقص كل يوم كيلو وانتو تعرفون ان الاوزان الكبيرة تنزل اسرع من غيرها
ثاني شي لا احد يتكلم من جانب صحي لان مافي اخطر من الوضع اللي انا فيه صحتي مع الشحوم في خطر لان فيني دهون عالمرارة وشحوم عالكبد وتعرفون اخطار السمنة ماراح يجيني شي اكثر ضرر من اللي انا فيه رجاء ماابغى اي احد يتكلم من جانب صحي انا استخرت ربي ودعيت وتوكلت عليه
ومن ناحية الارادة تطمنو ارادتي حديد ماشاء الله تبارك الله انجرحت جرح خلاني اشوف سفرة اهلي مترين مشاوي ورز ومحاشي انا اكل زبادي اكتيفيا واقوم ولله الحمد والمنة
اترك المايك لكم انتظر ارائكم قولو انك تقدرين تنزلين كل يوم كيلو ادعموني احتاجكم
شاركي في النقاش
سجلي الدخول لإضافة تعليق.
التعليقات
34- تقدرين إن شاء الله
تصدقي وإستغفري
ولاتنسين الرياضه - جربي ريجيم التمر بالحليب وامشي كثير
- ماقصرتو الله يجزاكم خير ونبهتيني لنقطة الصدقة
رجيم التمر والحليب ينزل كل يوم كيلو ؟؟ - وعليكم السلام والرحمة عزيزتي
قبل كل شي شيلي من راسك فكرة انه تبين تنحفين بسرعة و هدفك هالانسانة اللي جرحتك
لعدة اسباب...الوزن اللي بسرعة راح تخسرينة راح يرجعلك الدبل..هالانسانة ماتستحق انك تحرين نفسك عشانها ^_^
يعني بالاخير حددي اهدافك من جديد عشانك انتي وبسسس
وباذن الله راح توصلين للوزن اللي تبينه من غير شر
واهم نصيحة اقدر اقدمها لك انه تكون
* اخر وجبة عشا لك قبل موعد نومك ب4ساعات ولوتقدرين يكون اكثر
* اعرفي فصيلة دمك مثلا لو او موجب ابعدي كل البعد عن النشويات واهمها الرز ولو مرا خاطرك فيه حطي لك بصحن كم ملعقة كبيرة وكلي بملعقة صغيرة
*الغازيات اتركيها ولو ماتقرين استبدليها بالدايت ومره عن مره راح تنسينه والمهم لاتجيبين المشروبات وقت الاكل خليه بعدها
* - ماشاء الله تبارك الله انجازك رائع الله يتمم عليك ويزيدك رشاقه وصحة
اختي نصيحه من اخت في الله اصعب شي لما الواحد يحط له مدة زمنينة معينه ويقول بانزل فيها كذا هذا اخطر شي عالنفسية ويعطي نتائج عكسية حطي ببالك ان لو نزلتي كيلو اكبر من نعمه من الله
ال15 ذي بتنزليها باذن الله ولاحقة عالجلسات وغيرها
يارب نسمع عنك اخبار حلوة وتوصلي للمثالي يارب
مواضيع مشابهة
تابعي تجارب أخرى من هذا القسم.