كبستي مااااالها طعم :((((( مالكل مجتهد نصيب

ياحياتي شكلك زي 😁😁
انا اي اكله اسويها تزبط وتطلع لذيذه ممممره 
لكن الا الكبسات والاكلات اللي بها رز مقلوبه برياني وذي الطقه تطلع ححلوه لكن بها شي ناقص 
مو عارفه اييشش نفسي اسوي اكله تطلع طعمه مممممره ......
اليوم مسويه كابلي ممممره تعبت عليه لكن طلع ماصخ يعني مو انه مو حلو مممممممره بس فيه شي ناقص مع اني توصييييت فيه ....


طعناتك كفايه   😍😍😍 شهيتيني من وصفك ماشاء الله تبارك الله اعطينا اسرارك ياعسل 

ردي متاخر بس عليك بالانستقرام خاصه حساب الكويتيات عليهم كبسات تاخذ العقل وتعلمي منها

بيبو ام جاد والله ياقلبي مافي اسرار هذي طريقتي في الطبخ ذكرتها لكم بس في اشياء بسيطه ماعتبرها اسرار اول شي النفسيه لها تأثير يعني لو طبخت ونفسيتك تعبانه او متضايقه او زعلانه ع طول يبان في الطبخ  كمان انا ماحب التكلفه في الطبخ لان الحرص الزايد ع الطبخه وانو لازم تكون توب ممكن مايخلي الطبخه تطلع تمام وانا لما اطبخ اطبخ عادي بس اخلي كل شي ياخذ وقتو. الدجاج واللحم عشان يكون في نكهة البهارات ماحط له مويا واذا احتجت للمويا احط كميه بسيطه. الطبخ ع نار هاديه يعطي الطبخ لذه. الذكر وقت الطبخ له مفعول عجيب سبحان الله

ياعمري انتي شوفي عادي الوحدة تتعلم وعندك عالم حواء مليان بالهبل والانستقرام يخبل فيه وصفات جنان كل كبسة احلى من الثانية بالنسبة لكبستي اقطع بصلة و2 فص ثوم صغار واحمسهم مع بعض واحط قرنين فلفل اخضر اكسرهم من النص واحركهم لحد مايذوبون ويصير لون البصل مايل للذهبي مش محترقة تالي حطي الدجاج تالي ملعقة معجون طماطم ولو ماتحبين حطي طماطة افرميها او قطعيها مربعات صغار وابدي احمسيهم مع بعض حطي بهارات عندك بهارات اسناد تهبل مهران كمان حلوة ملعقة تكفيك وحطي نص مكعب ماجي وملح وانتي مقصرة على النار موب فاتحتها على حدها يعني تكون متوسطة المهم تحطين موية اللي يغطي الدجاجة ذوقي الملح لو ناقص زودي لو كثير تقدرين توازنينه بشوي سكر سكري القدر عشر دقايق في الضغط او 8 دقايق بالكثر 3 دقايق وهي مرفوعة النار وباقي الوقت قصري افتحيه القدر عقب شيلي الدجاج على جنب تكونين منقعة الرز من قبل يعني تغسلينه ثلاث ولا اربع مرات يعني تحسين موية الرز صايرة صافي ماينزل معه شغلات ونقعتيه بموية اقرب للدافي تالي صفيه واتركيه ثلاث دقايق او اكثر لحد ماينزل منه الموية على حسب الوقت الللي عندك عادي تصفينه من هنا وعلى القدر من هنا المهم تكونين مجهزة جزر مبشور كمية وكزبرة خضراء فارمته فرم كويس نزليهم بالقدر ذوقي الملح اذا تمام خلاص او لا زودي شوي زودي الزيت ثلاث او اربع ملاعق كل ذا قبل تنزلين الرز في الموية ... نزلي الرز في الموية مقدار اصبعين يغطيه او ثلاث حركيه عدل مدل الموية زايدة نقصي شوي منها اذا على القد تمام ناقصة زودي شوي وكمان ارجعي ذوقي الملح تبين تردين الدجاج فوق الرز براحتك تبين تحمرينه كمان براحتك نقفل على الرز دقيقتين مرفوعة النار تالي قصري عليه واتركيه خمس او ست دقايق تالي افتحيه .... لو تبين الدجاج يكون في الفرن شوي خلطة له / حطي شوي بهارات ملعقة المطحونة نفسها حق اكلك 2 غطاء خل شوي كتشب شوي زنجبيل بودرة شطة لو تبين وشوي من مرق الرز اللي شلتيه اول او حطي موية دافية لو ماتوفر عندك مرق اي ومكعب ماجي او نص وملح وشوي صويا صوص الحلوة وشوي لون وشوي زيت حركيهم مع بعض تالي حطي الدجاج فيهم حركيه كويس وتالي حطيه بصينية داخل الفرن الدجاج والخلطة واتركيه يتحمر .. وبالعافية عليكم .. الاضافات تقدرين تقطعينه شرايح وتقلينه مع الزبيب وتحطينه على الوجه تسوي سلطة خضراء سوي سلطة مفرومة زي المطاعم طماطم وكزبرة ونعناع وشوي ملح وفلفل .. وبس هذا اللي عندي لو تبين اي طبخة ثانية امري .. موفقة يارب