تحدي منا للعيد مين تخش معنا ننقص (٢٠)كيلووو التجمع (٢)

الله يقويك حبيبتي

معليك الصداع والخمول هذا لانك بالبدايه
لاتضعفين
اسبوع ويروح
وبعدين جسمك يتعود ع نظامك الجديد

كيفكم بنات
معد دخلت لاني رحت لاهلي
الكل قال اني نحفانه✋🏼Z😍
ولله الحمدلله نقصت 2 كيلو ماشاءالله
صار وزني 92
عقبال ماودع عالم التسعين😭

ام نوف
انا كذا مره لاحظت ان وجباتك ناقصه
حبيبتي انتي قاعده تحرمين جسمك من الغذا
عبالك كذا بتنحفين ! لاوالله انتي تدمرين نفسك بنفسك
عظامك اضافرك اسنانك شعرك هذي كلها بتطيح وبتمرضين حبه حبه

وين الالياف ؟ وين البروتين؟ وين النشويات؟وين الخضروات؟

هذي الاشياء يوميا كلي منها

مين قالك الرجيم لها اكل معين؟
فقط اطبخيه بطريقه صحيه
المقلي خليه مشوي ولا مسلوق
كلي نصف اكلك سابقا فقط هذا الرجيم

وكمان حاذفه العشاء ؟
صدقنيي شهر بالكثير وبتلاحظين فيك التعب والمرض اذا ماتعدلتي

مثلا اليوم طبختي كبسه
كلي 7ملاعق رز. وصدر دجاجه وسلطه
العشا زبادي او فواكه
الفطور حليب تمر او كرون فليكس او توست او شابوره

هذا اللي تسوينه حرمان جسمك راح يتمسك بالدهون وماراح يحرقها لانه دخل بحاله مجاعه

المويه وحده ماتكفي
لازم سعرات حراريه لجسمك
المويه مافيها ولاسعره

انتبهي لنفسك نصصصيحه

بنات انا لمن اشوف تعليقات البعض منكم احزن والله احزن
واتمنى امسككم وحده وحده واشرح لها
💔 البعض قاعد يدمر نفسه بنفسه
اللي تلغي العشا واللي تلغي الغذا
ممكن اسال انتو كيف تعيشون ؟ تدرون انه ياثر عن الدماغ ؟
والرؤويه والتفكير وكل شي بجسمك يتاثر اذا جوعتي نفسك ؟؟؟
ي بنات الله يرضى عليكم ركزو معايه اجسامكت تحتاج سعرات حرارايه جسمك يحتاج وجبات و(ليس تصبيره) يحتاج وجبه
لازم كل يوم فطور غدا عشا عشان ماكذب عليكم انا مافطر لاني نايمه بس اتغذى واخذ سناكين واتعشى حتى لو شبعانه اتعشى ضضضروري اللي تحرم نفسها شعرها بعد فتره بيطيح اسناسنها راح تتفتت عظامها بيوجعها اضافرها اتفهه شي يكسرها
نصيحه لكم ي بنات لاتدمرون انفسكم ب انفسكم كلو كلو كلو لكن بطريقه (صحيه) وكميه (معقوله)


ادخلو توتير اكتبو (عرب دايت) شوفو تجارب الناس كيف نحفو بطريقه صحيه ومارجعو لاوزانهم
فيه حسابات بالانستقرام بنات نحفو وينزلون يومياتهم وطبخاتهم مايحرمون انفسهم من شي ياكلون بطريقه صحيه
اقروا كثير عن نظام الحياه الصحيه


فكروا شويه حقين التكميم بعد فتره تلاحظون ان شعورهم طاحت دايم معصبين وتعبانين والبعض بعد سنتين رجعو سمنو تعرفون ليه ؟ لان نظام التكميم نظام حرمان اسبوع مويه واسبوع عصير واسبوع شوربه وهكذا
بالتاالي اجسامهم تمرض لانها تحتاج لجميع القيمه الغذائيه اعرف وحده سوتها صح نحفت بس صلعت مسكينه والله تحزن اكيد انا مع التكميم لاصحاب الوزن الزائد جدا اما اللي مثلي مثلكم مايحتاج
على اني امتن وحده فيكم الا ااني مافكر احرم نفسي لاني كذا اضر جسمي وصحتي وكلها مسوؤله عن ربي عن جسمي وصحتي
ونصحيه اي شي بتاكلينه من برى سوا شيبس عصير حلويات شوفوا القيمه الغذائيه ورى المنتج وبتنصدمون سنكرز الصغير فيه 300 سعره = كأنك اكلتي نص صحن مكرونه ودجاج وخضار متخيلين !!! هذا كله بكيس صغير لايشبع ولا يغني من جوع ؟
اقروا كثييير وبتكرهون اشياء كثيره بحياتكم
كيس الشبس الصغير كأنك شربتي كاستين زيت
كيس شبس كبير كأنك شربتي علبه زيت كبيره
علبه غازيات كأنك اكلتي نص كوب سكر


لاتزعلون مني بنات يمكن اسلوب فض شويه لكن والله من خوفي عليكم