يوميات أهتمي بنفسك مافي احد فاضي لك (١)

صح في الغداء اكلت ١٠ حبات بطاطس مغلي
نسيت ماكتبت
تعشيت ٦ ورق عنب + نص برجر دجاج + حبه كندر صغير واحد

هلا حبايبي
من زمان يعني من سنوات وصل وزني ١٢٠
وفتره سبحان الله
كنت اكل بانتظام بعدين
اكل الساعه ١ الظهر غداء
وفي العصر فواكه مقطعه
وفي الليل اتعشى المهم عشاي قبل ٩
من ٩ وفوق ماأكل
اشرب ماي أو اذا باكل شي زبادي أو خياره
فقط


ونزلت لين وزن ٧٠ كيلو وحافظت عليه فتره طويله
سبحان الله قريت أنه في نظام اسمه الصيام المتقطع تأكلي خلال ٨ ساعات وتصومي ١٦ ساعه
تقريبا يشبه نظامي شوي


الي اتبعته من تلقائي
افكر ارجع لنفس النظام وان شاء الله انزل


مع الرياضه والمشي والحركه وشغل البيت طبعا
والتنظيف
من بكره يبدأ فيه وبرجع له بقوه
صح في شي بعد كنت أسويه بعد صلاه الفجر امشي ساعه ولا نص ساعه
واسوي تمارين بكيفي
برجع لهذي الايام

ما شاء الله تبارك الله اكتبي نظامك بالتفصيل وش كنت تاكلين لا تنسى شي

والله اكل اكلات صحيه
مثلا الغداء ٤ ملاعق رز سلطه جح اذا في
نص كاس لبن يالحم أو دجاج او سمك
٣ تمرات
العشاء اي شي خفيف
بعد ٩ مااكل

فكرت كل يوم راح احط لي نجمه على اي عمل زين أسويه لنفسي
وبحسب في نهايه اليوم كم نجمه حصلت هههههه تشجيع من باب التغير
وفي الاسبوع الي اجمع فيه نجوم كثيره
راح اكافئ نفسي اشتري لي لبسه مثلا اي شي احبه
بعيد عن الاكل والحلويات
اليوم الجمعه ١٩_١١_٢٠٢١
حصلت الليله نجمه
لاني رحت تمشيت في الممشى والمشي يعود لي بالفائدة
وقت الي بنام بكتب لكم
اذا سويت شي ثاني يعود لي بالفائدة ولا