من يحتاج الى اخصائية تغذية ؟؟؟؟

دكتورتنا العزيزه طبعا أولا شكرا علي ردك وإهتمامك ونصائحك الغاليه أنا كنت ارسلت لحضرتك الرساله السابقه وكان ردك كما هو موضح وانا بالفعل أضفت نص رغيف عيش بلدي في الغدا وبالرغم من ذلك لم ينزل وزني ولا جرام بل أحيانا أجده في زياده عدة جرامات لاني عندي الميزان الديجيتال وفعلا انا جالي إحباط لاني أشعر بعدم النزول ولم أستطيع انا أمارس رياضة المشي.
معلش يا دكتوره ممكن نبدأ مع بعض من الاول وحضرتك تقول لي إيه إللي ممكن اعمله وبعد إذنك ممكن اتابع معاكي لأني فعلا نفسي حتي أكسر ال 100 كيلو ومش عارفه أنا أعتقد لأني عملت رجيمات كتير وكل شويه ألخبط
عندي سؤال تاني هل ممكن إني اعمل رجيم كيميائي لمدة إسبوع لكسر ثبات الوزن ثم أرجع تاني للرجيم العادي
ياريت تردي علي لاني فعلا قربت أزهق جدا وأنا مش عاوزه أستسلم
أنا وزني 112 وطولي 170 وسني38 والسمنه عندي متركزه في الافخاد والأرداف لكن من فوق جسمي عادي وعملت رجيمات كتير ومش بعمل رياضه حضرتك كنتي نصحتيني برياضة المشي نص ساعه صباحا ومساءا بس للأسف ده صعب بالنسبه لي في الوقت الحالي أنا عندي جهاز الاوربت تراك هل من الممكن أن يغني عن المشي وكم المده التي يمكن انا ألعبها عليه
أسفه للتطويل ولكن أنا بأرجوكي انا في حاجه ماسه للمساعده والمتابعه من حضرتك (ممكن تسيبي لي الميل بتاعك علي الخاص بعد إذنك)

دكتورة ريهام لوسمحتي احب اسالك انا الحمد لله ماشاء الله تبارك الله وزني نزل وبعمل رياضة
بس فيني ترهل هل الميزوثرابي وLpG ينفع ولا يمكن يسبب زيادة بالتكتلات الدهنية وزيادة للسولاليت الله يسعدك يادكتورة
انصحيني انا محتاجة رايك وخبرتك وشكرا

الفطار:
قطعة جبن منزوعة الدسم في حجم البيضة او كوب زبادي او روب منزوع الدسم او بيضة مسلوقة + شرائح طماطم وخيار و الجرجير والبقدونس + 1/4 خبز اسمر او 2 توست اسمر او واحد شابورة ونصف (المخصصة للدايت) .

ما بين الفطار والغداء : ثمرة فاكهه

الغداء:
1/4 دجاجة منزوعة الجلد او سمكة او قطعة لحم في حجم الكف (مشوي بالفرن) او قطعة كبدة مشوية او سمكة صغيرة مشوية + 2 ملعقة ارز او مكرونة + طبق سلطة خضراء او تتبيلة (لاحتواء التتبيلة مواد حافظة وذك ما لا نفضله) + صحن شوربة كبير بدون أي دسم .

العشاء:
طبق فاكهه مشكلة (تفاح -برتقال- كمثرى- اناناس-كيوي) + كوب لبن خالي الدسم