شاركي في النقاش

سجلي الدخول لإضافة تعليق.

التعليقات

257
  1. @am_frh_alkmr

    اذا ممكن انضم معاكم ولامتاخرة
    الطول 158
    الوزن 60
    الهدف اللي تبي توصله 56
    من متى والده من4 اشهر
    نوع الرجيم تخفيف
    نوع الرياضه سير وتمارين البطن وارضع
  2. @alathyr_6

    ام فرح القمر
    اذا ممكن انضم معاكم ولامتاخرة الطول 158 الوزن 60 الهدف اللي تبي توصله 56 من متى والده من4 اشهر نوع الرجيم تخفيف نوع الرياضه سير وتمارين البطن وارضع
    سلام ياحلوين
    اليوم افطرت 3 تمرات + مويه
    الغداء صدر دجاجه + 5 م رز
    والحين جالسه اشرب شاي اخضر + زنجبيل وكمون (تجربه جديده عسى ولعل هالمره تروح البطن :06:)
    نداااااااااااء للكل فينكم وفين يومياتكم
    والخلطات ايش صاااااار فيها انا قلت ابغاكم تشجعوني مو تحبطوني
    يالله اذا احد كتب خلطاته غير الؤلؤتين باكتب لكم الخلطه الجديده اللي هاليومين بجربها ونتيجتها :D
  3. @alathyr_6

    ام كونه
    ياريته يمشي بطني عن الامساك الي ينفخ البطن....على العموم جربيه واذا حسيتي ما ناسبك اتركيه:o
    ليه ياعسل ان شاء الله تكملي معانا ونشوف يومياتك ونعرفك اكثر عشان لو غبت انا افقدك :26:عشان ماتزعلي

    بالنسبه للامساك الله يكرمك كثري مويه والياف كلي برتقال او تفاح على الريق او شاي احمر على الريق برضو مرا تنظف البطن والشاي الاخضر يختلف من شخص للثاني انا يمشي بطني واختي يسبب لها امساك بس مرا حطيت معاه زنجبيل وقرفه حتى اختي مشى بطنها

    انا ياعسل اشتريت الجهاز ممكن من سنتين او 3 والله مو فاكرة وباستمر عليه فترة واتركه فترة بس بجد لما استمر تحسيه يرتب الجسم ويخفف البطن نوعا ما وانا اول ماابدا ب5 دقايق 3 ايام بعدين 10 د اسبوع بعد كدا 15 د اسبوع واحيانا 20 حسب لياقتك انت تحددي بس اهم شي لازم 3 او 4 ايام ماتعدي 5 د
    كم نقطه لك باليوم ؟ وان شاء الله يارب تخسي

    ياهلا بيك معانا
  4. @hdyth_alklob

    الله يسعدك يا الأثيرة ... ربي ما يحرمنا من طلتك علينا .. عجبتني جداااا الخلطات حقت البشرة حجربها هذا الأسبوع بحول الله ... و بالنسبة للتخفيف فسامحوني هذا الأسبوع خبصت شوية عشان الدورة ... بس من اليوم راح ألتزم بحول الله بالتخفيف ... و ما زلت مستمرة على المشي على السير .... و يااارب يا كريم أنحف ....
    أم اللؤلؤتين .. مبروك النزول ... لا تتحطمي لو كان النزول بطئ ... المهم إنك في نزول مو صعود ... و ما أدري أنا حااسة إنوا جسمي صاير نزولو بطئ يمكن بعد الولادة الوحدة هرمونات جسمها بتتغير علشان كذا نزولنا بطئ الله أعلم ... بس لا لليأس و مصيرنا ننزل بحول الله .....
  5. @allolotyn

    صاحبة الموضوع
    أهلين بنات
    أنا قرأت كتاب جورج كروز عجبني مرررررررررره وطلعت منه بفايده وهي تناول الأكل على 5 حصص الوجبات الثلاث الرئيسيه مع وجبتين خفيفه وذلك لتستمر عملية الأيض شغاله يعني يستمر الجسم يحرق الدهون وكمان شرب الماء بكثره وأنا مجربه هالشيء اشرب 8أكواب في اليوم يابنات بشرتي تحسنت كثير وخف الحمدلله الأمساك وكمان تحسي بالشبع عطول
    على فكره بنات ابغى وحده تشجعني ابدء انا وهي في رجيم 12 يوم مع تمارين جورج كروز لبطن رشيق ونتمرن على الأوربت تراك
    الأثيره شدي همتك والله كان ودي استخدمها بس ديني ودين الخلطات يادوبي كريمات وبس
    حديث القلوب لاتيأسي مومشكله التخبيص كملي على نظامك

تابعي تجارب أخرى من هذا القسم.