شاركي في النقاش

سجلي الدخول لإضافة تعليق.

التعليقات

1,999

  1. @am_shhyd_1

    بقايا حنانك
    هلا فيض العطاء رجيمك ملياان اخطااء اذا انتي تسوين دشتي !! اول شي الرطب مفرووض ماناكله بدشتي اساسا بس كأني سمعت فديو للدكتور حسين الدشتي ع اليوتيوب انو سامح بحبه رطب او تمر للي يسوي الرجيم برمضان بس اسااسا الرجيم ممنوع فيه .. ف ننسى…
    هلا اختي
    حياك الله ,وتقبل الله الطاعاااات وصالح الاعمال :)

    ههه اختي العتب على الصيام باين ,انا مانزلت كيلو ,بقايا حنان الي نزلت ماشاء الله عليها
    انا مانزلت الا 100 غرام اهئ اهئ هههه

  2. @fyd_alaataaa_2

    شكرا بقايا حنانك على الاجابه ..

    انا فكرت الجريش مثل الشوفان وقريت بموقع اجنبي ان الشوفان ينحف مثله مثل الشاي الاخضر ..
    لكن يمكن مايناسب لدشتي ..


    وقريت بمنتديات تانيه عن انه مسموح اكل تمره وحده وبرضه زبادي والبقسماط انا شلت اغلبه بس اكلت يعني :(

    فشكله من الحين بس بروتين :/
    عشان الحق وانحف

    طيب والسلطه الخضراء .. جرجير - كراث - خس- خيار -بقدونس ينفع ؟

    انا ابي اسوي بروتين صافي ولا ماينفع ؟
    وشكرا لك الله يجزاك الجنه والجسم الرشيق اللي تحبيه

  3. @am_shhyd_1

    حنووونة
    انت راح تبدي تخبصي ولا كيف يعني شنو اسوي بيكي؟وانا الي ناوية اقتدي بيكي ومتشجعة:( لا هيج راح ازعل وانا ايضا اضعف ههههه

    بخصوص النظام,انا فعلا مو مستعجلة بس صعب اني ابقى ماشية على النظام بعد العيد لاني راح ابدا الشغل,وهناك باكل الفطور والغدااء,لاني معلمة روضة ومو معقولة اطلب على راحتي ههه

    وبخصوص الاكل انا بالفعل مااعرف اتفنن لاني مليت ,ومااحب اللحم,بس الدجاج احسن احبه واحب مشتقاته ماتشوفيني باكل بيض بجنووون ههه لان هذا طبيعي عندي
    وبالفعل حاولت اقرا الموجود في السجق بس مالقيت اي معلومممات:(

    بس خلاص راح افكر في هذا اكثر ,وبالمناسبة اليوم اكلت لحم مفرووم هههه
    شوفي يومياتي

    امس الفطور, نصف دجاجة مقلية,وشوربة بصدر الدجاج مافيها الا الكرفس
    وبعدها جعت فسويت صحن خس وعليها جبنة موزريلا

    السحور,بيضة مسلوقة وهمبرغر دجاج
    فطور اليوم, لحم مفروم مع 3 بيض , وقبل شوي شربت شاي بسكر الدايت وشاي نعناع وزنجبيل بعدها
    والسحووور ناوية اكل , سجق دجاج ( تاااني ههههه) و3 بيض تقريبا

    وسلامتك

    واليوم زوجي اشترى كرز وكم حقدت عليه هههه
    بعد الفطور حطيته قدامه وقلت له خلصها كلها,قالي بس هاي الك ,قلت انا مستغنية عنها هههه
    قالي والرمان؟قلت له بعدين ههههه

    الله يهدينا يارب

    وبالمناسبة ههه انا مثلك مدمنة ميزان,وزنت اليوم ولقيتني نازلة 200 غرام
    احسن من ال 100 اكيد :p ههههه

  4. @bkaya_hnank

    فيض العطاء

    مشكووره حبيبتي على الدعوات الحلوه هذي ولكي بالمثل ان شاءالله

    مثل ماقلت لك عن التمره ممكن نعديها لان كأني سمعت الدكتور سامح بهالشي ف رمضان فقط لاغير


    زبادي ابدا مو مسمووح ولا البقسماط

    ايه سوي كم يوم بروتين صافي وان شاءالله بتنحفين

    والسلطه عادي حبووبه الورقيات مسموح ب اي كميه بس عاد مو كثيييييير

    واقري ردودي على الاخت ام شهيد ان شاءالله بستفيدين منها


    حياكي

  5. @am_shhyd_1

    نسيت اقولك اختي حنان

    موزة في الثلاجة من يومين ومطلعة لسانها لي وبتقول ماتقدري تاكليني :( شفتي شنو صار بيا؟ههههه

    وبحاول مع اولادي ياكلوها ومو نافع كل يوم هههه

تابعي تجارب أخرى من هذا القسم.