نقاش مفتوح عن الرياضه+تصحيح بعض الخرافات+الرياضه الي استفدتي منها..

انا جربت تمارين كثيرة و كنت مشتركة في نادي كنت ابغى انجف عشان احمل لان كنت متأخرة عشر سنين .. وزني الزايد ما كان كبير يمكن حدود ١٣ كيلو او اكثر شوية مو مبين في شكلي بس سببت لي تكيسات لانه الدهون كانت تتجمع على المبايض .. اشتركت في النادي اسبوعين و ما كملت بسبب ظروف شغلي فوقفت .. بس في النادي اكتشفت الشي اللي ينحف و يشد الجسم و اكثرنا ما نهتم في خاصة في المنتديات العربية بس الاجانب مرة شي اساسي عندهم و هي رياضة الستيب .. عبارة عن لوح او قطعة بلاستيك مرفوعة عن الارض تطلعي و تنزلي عليها اول مرة تبداي بشي بسيط لين ركبتك تتعود على التمرين .. نص ساعة تساوي ساعتين مشي سريع .. من اول خمس دقايق تبداي تعرقي و نبضات قليك تزيد و هذا المطلوب .. بعد اسبوع راح تحسي وزنك حف و النفسية مرة صارت حلوة و ايجابية و الاهم جسمك انشد .. اكتبي في بحث اليوتيوت تمارين الستيب للمبدئين .. ما عندك ستيب اي شي مرتفع استخدميه .. و التمرين الثاني لاحظته على بنت سلفتي نط الحبل هي قصيرة مرة و صدرها ما شاء الله جدا كبير .. و مليانة من جهة البطن فكأنها كتلة وحدة تتحرك .. و صارت تنط فالبيت بالحبل مو كان الغرض في الاساس النحف لا بس كانت هي و اختها يلعبو و يتحدو .. شفتها بعد شهرين اتفأجات بنحفها .. صدرها ما صغر بس الباقي كله نزل ما شاء الله .. و شكلها صار اصغر و احلى .. و رياضة المشي السريع .. انا في الاساس بديت الستيب بس وقت الدورة و ايام اكون مستعجلة او ما عندي نفس للستيب فكنت امشي مشي سررررريع و اسمع نبض قلبي بعد عشر شهور الحمدلله من ممارسة السنيب و المشي حملت .. وقت ممارسة اي تمارين يفضل لبس حمالات صدر تكون شادة على صدرك .. عشان الترهل .. وقت الدورة بس امشي مشي سريع ينظف الرحم و تنشط المبايض لا تسوي تمارين ثانية و اذا تسوي رجيم وقت الدورة كلي رطب او تمر لانه الجسم محتاج اي شي يعوض ..

الله يسعدك و ويوفقك ويدخلك الجنة

يسلمووو عالتمارين انا تغذيتي مش ولا بد
لأني نباتيه
اغلب آكلي رز وساندويتش

موضوع جميل انا قبل كنت ملتزمه بالرياضه بس حاليا مالتزم الا بالمشي اليومي

حابه اسال سمعت انو تمارين تنحيف الكرش وشد عضلات البطن اذا كانت الكرشه متوسطه او كبيره ماينفع يعني تكون النتيجة عكسيه وتبرز العضلات اكثر وانا حاليا قاعده اسوي تمارين للكرش ولا حظت بروز اكثر عن قبل هل المعلومه صحيحه ولا هذا احد الاعراض مبدئيا بعدين تبدأ تنشد الكرش !!!!!
وشكرا عالموضوع