قروب للاوزان الكبيرة للتنحيف (الجزء الاول)

اليوم تاخرت بالعشاء وذا غلط
بس كنت في عزاء وتاخرت الله يرحم من مات
وجيت سويت عشاء لعيالي سريع
الا زوجي يقول بجيب اكل فول وتميس وعدس قلت طيب راح اكل معاك
تعشيت فول وتميس وعدس
وكاس حليب شاي


السناك كان العصر ٣ تمرات وبس
كثرت اليوم موياا الله ينحفنا ع خير مالحقت امشي ولا اسوي ماسكاتي

مساءالخيرات اليوم أفطرت نص رغيف أسمر مع كأس حليب بنسكافيه
سناك طعميه حبة وحده
الغداء صحن مصقعه وسط مع خيار ونصف رغيف اسمر
العشاء حبة كمثرى وربع صامولي وملعقه جبنه شيدر
الموية شربت كثير الحمدلله
مشكلتي مواعيد اكلي مش منتظمه وطبعا الرياضه لسه مابديت فيها والله لكن وعد ابدأ من بكره بإذن الله

عوافي وفعلا العشاء مفروض يكون مبكر

مساء النور

عوافي وماشاء الله يومك متنوع

تبغي نصيحتي؟ امشي لمدة اسبوع ع دايت من الدايتات السريعه وكذا تضمني تطيري ٤ او٥ كيلو باقل حتى من اسبوع
وبعدها عاد براحتك امشي نظام دايت عادي بدون حرمان ومليان بالنت او حسب السعرات
انا كان وزني ماشاءالله تبارك الله ١٢٤ وماشيه ع دايت وصرت الان ٩٨ ماشاءالله ماشاءالله
تجيني لحظات اطفش ايأس اخبص بس مااستسلم ارجع من بكرا واكمل دايت
في هنا بالمنتدى نظام البروتين لغلا الاشواق انصحك نصيحه مابعدها تمشي عليه لو اسبوع
ولوميني لومانزل وزنك وبيّن ع شكلك خصوصا مع هذا الدايت، واي نصيحه تبغيني افيدك فيها كلميني خاص