#تحدي_90_يوم

يومي امس بدايته كانت كويسه ومشيت ربع ساعه
بس نهايته زوجي جاب عشا و خرب علي 😑
اما اليوم بدايته صح وبكمله ان شاء الله
الحين بسوي رياضه 💪

بنات ليش ماكل وحده تكتب عن ليش تبي تنحف او موقف مر عليها وقررت انها تنحف
اول شي انا كان وزني ٦٩ وصلت ٦٠ لحالي بدون نوادي ولا شيء ثم حاولت حاولت ماقدرت عشان كذا قررت اني ادخل مع قروب لعل انحف واوصل للوزن الل ابيها الصراحة الشي اللي خلاني ابي انحف ان الوزن يعطيك اكبر من عمرك ويخفي جمالك يظلم الوحده بشششكل وتعبت يعني كل مارحت للسوق مالقى مقاسي صرت معروفة بالعائلة اني اكره السوق وليش ماتصيرين زي البنات وش اسوي جتني عقدة منه والشيء الثاني النغزات والتحطيم بالكلام اسمعه طواال الوقت شيء يحز بالخاطر احس نظرتهم لي انسانه فاشلة وكسلانه مادام ان جسمها ابسط شيء ماقدرت تحافظ عليه وش بتفلح فيه بذا الدنيا كنت اسمع كلام يسم وللحين والله ماخف اذا جيت باكل لاتاكلين بتسمنين ولا تناظر لي لين تنسد نفسي ادري بتقول شيء خلاص ماعاد ابي اكل بس ابي اطلع بس طبعا مااقوم عشان ماابين انها كسرتني ووش بعد قبل فترة وحده شافتني المهم قالت لي فلانه انتي متغيره نحفانه كانك مابي اقول كلمتها لانها تقهر ،يعني يوم كنت سمينه ماسلمت ويوم قربت للمثالي ماسلمت قاعدة افكر لو وصلت للوزن اللي ابيه بعد بيتكلمون ويكسرون فرحتي ووحده يوم شافت ان نحفت كم كيلو قالت لي انتي مسسسسسستحححححيل الناس كلها تنحف الا انتي الدعوة صارت عناد والله ابي انحف عشان اخش بعينها اعجبها ماعجبها مشكلتهم اهم شيء اني مقتنعه
تكلمت كثير وانتم مرت عليكم مواقف شيء مابي احس اني الوحيدة

الميزان الثاني لشهر 7 : 🙏
أسم المشتركه : ..الميزان الأول ...الثاني ....الثالث....الرابع .
----------------------------------------------
للأمان شموع :...(78)..........(76.6)....( **) ......(**)
لاناياعيوني:......(84)..........( 83.3) ....(**)......(**)
وردة : ..........(60)...........(59) ......(**) .......(**)
إم إن :..........(59)...........(58)......(**).........(**)
بناتي3:........(80.9)........(80.3)....(**).........(**)
مودل ميزو:..(66)..........(65).......(**)..........(**)
إخلاص لله :.(110) ........( متغيب) .(**) .........(**)
مودل ولاء :.(66.8)......(66.5) .....(**)..........(**)
ورده فاطمه..(57.8)....(56.8)......(**).........(**)
مميزه بَأنوثتي:.(120)......(117.6)....(**).......(**)
روح القصيد : (66) .......(65) .......(**)..........(**)
اللي مشتركه وما حطيت وزنها تكتب لي ✍
مودل ميزو : نظرا لأن ميزانك كان خربان أفترضت أن وزنك السابق كان 66 *
mn : أضطريت أعرب أسمك عشان لمن أكتب حروف إنقليزيه ينعكس الجدول 👍
بالنسبه لملكه الإلتزام ذا الأسبوع نظرا لنشاطها وإجتهادها بالتجمع ما شاء الله تبارك الله
.
.
.
.
.
لانا يا عيوني 👑👑
+ ذا الأسبوع ما شاء الله ما في زياده الكل نازل وفيه نزول كيلو ونص كيلو واللي نزل قرامات يعني نزول صحي وَ حلو للجميع 😍

قلت لكم كل شيء لان نفهم بعض هم لو اقول لهم قالو حساسه او مسكوها علي طقطقة

مرا موضوعك حلو
وكنت أتوقع لو اسأل البنات ما الاقي تفاعل بَس دامك بدأتي فَ أحس لازم الكل يشارك إن شاء الله
أولا حاسه فيك فعلا الشخص لمن يسمن تعامل الناس يتغير معاه أنا كنت نحيفه و سمنت وشفت بعيني كيف
كل شيء يصير يجرح كلامهم نظراتهم أسألتهم وكل ما جيتي تأكلي تلاقي تعليق عباره عن صاروخ عابر للقارات يخلي اللقمه تنشب بحلقك ‘
وشوفي هرجه التحطيم بعد ما تنحفي ذي برضو موجوده أنتِ متخيله لمن كنت نحيفه كنت اسمع كلام لو تمتني شوي لو تمتني شوي
ويوم متنت شوي محد أتكلم وقال جسمك محلو أنتظروني الييين سمنت قامو يقولو تتذكري ذيك الفتره
كان جسمك يجنن !!! < بدري ! كنت قدامكم ولا أحد كان يمدح !!
بس يقعدو يحسرونك بعد ما تكوني متنتي
فَ اللي فهمته أن أحسن شيء تكوني بالوزن اللي يريحك وغالبا اللي تقول صار شكلك مو حلو
إما أنها مو قادره تسوي اللي سويتيه أو ما تتمنى لك الخير وأنك تصيري بشكل حلو فَ أبتسمي بوجهها وقولي أهم شيء عاجبببني
وراح تلاقيها تتحلطم مع نفسها .,,