السلام عليكم ورحمة الله وبركاته
بصراحة انا اشتركت فى المنتدى هنامخصوص عشان استفيد من خبرتك.. وأتمنى انك تساعدينى..
أنا متجوزة وعمرى 24 سنة.. مش حامل ولا برضع ولا عندى أطفال ..
طولى 170 سم.. وزنى 82 كجم.. أيام الكلية كنت فى حدود الـ65 كجم .. بس الشغل والجواز تخنونى.. ونفسى أخس تانى للـ65 كجم.. أنا بشتغل وشغلى مكتبى على الكمبيوتر لمدة 7 ساعات يوميًا.. ومشكلتى بجد انى بحب الأكل جداااااااا ومش بحب أحس بالجوع... ومش عارفة ايه النظام الغذائى المناسب ليا.. فصيلة دمى B .. عندى كرش.. بس التخن فى جسمى متساوى ماعنديش مكان أتخن من التانى الحمد لله..
جربت قبل كده دوا لتقليل الشهية اسمه سيبوترم تقريبا بس الدوا دا كان بيصدعنى جامد وماستحملتوش 3 أيام..
ياترى تنصحينى بإيه؟؟؟؟
خاص باستفساراتكم لأخصائيات التغذية (سيتم دمج أي استفسار هنا)
متابعة النقاش، صفحة 819