~*¤ô§ô¤*~مع م #و#ن تحدي مستمر لنظام النقاط(2)~*¤ô§ô¤*~

مرحبا خواتي الغاليات..

بصراحه كنت متشوقه وايد إني أبدأ الأسبوع الماضي بس للأسف كانت عندي دوره في مدينه ثانية فكنت أطلع من الصبح و أرجع العصر فما في حيل أحسب و اكتب و غيره ..على كل لقيت في موقع الشركة كيف تحسب النقاط و هي كالتالي:
أولا: الجنس
الأنثى 2 (إذا كنت مرضع تكون النقاط 12)
الذكر 8

ثانياً:
العمر:
17-26 .... 4 نقاط
27-37..... 3نقاط
38-47..... 2 نقاط
48-58..... 1
أكثرمن 58.. صفر

ثالثا: الوزن
يفضل يكون الوزن بالباوند لأنه تأخذين أول رقمين من اليسار يعني إذا وزنج 175 تأخذين 17 نقطه...

رابعاً الطول
إذا الطول أقل من 155 فلج...صفر نقطه
إذا ما بين 155 و 177 فلج .. 1 نقطه
إذا أكثر من 177 فلج .... 2نقطه

خامساً يعتمد على نشاطج..
دائمة الجلوس (نشاط قليل جداً) ... صفر
معظم الوقت واقفه (أكثر شوي من اللي قبله) ...2 نقطه
معظم الوقت تمشين يعني في حركه ...4 نقطه
تلعبين رياضه قويه....6 نقطه..

بصراحه حسب ما قريت بالإنجليزي و فهمته
أنا مرضع يعني 12
عمري 32 يعني 3
وزني بالباوند 188 يعني 18
طولي 156 يعني 1
مستوى النشاط قليل جداً يعني صفر
مجموع النقاط يساوي 34


يا ريت يا موني تقوللي هل هذي المعلومات صحيحه..؟؟؟

و عندي سؤال بالنسبة للنقاط إذا رفعت من معدل نشاطي هل مع الزمن أزيد النقاط؟؟و إلا المفروض انقصه كل اسبوع نقطتين بغض النظر عن النشاط؟؟؟؟

اليوم:الاحد
النقاط المفروضه (22)

الفطور: ك حليب 2+ 3م قشطة 3 +1م مربى 1+خبز بر 4=10

الغدا: رز 8+ قطعة دجاج 2=10
السناك:تمر2


العشا: خلصت نقاطي لو باقي ماقصرت ..
مجموع النقاط:22
النقاط المدخرة:0
النقاط الزايده : 0
الرياضه مدتها ونوعها:لايوجد
كمية الماء والاعشاب-: ماء + شاي أخضر
اي ملاحظات- لنكمل الطريق يانقاطيات..

*موون جزيت خيرا على رفع المعنويات..

**أم دحمان مبروك الفوز ..

*** المتميزات والكل كذلك إلى الأمام..