اسعد الله صباحكم ..
من قبل فتره دخلت مع اخصائيه في قروب مع بنات يبون ينحفون وينزلون من اوزانهم طبعا كنا ننزل وجباتنا ورياضاتنا في ساعه محدده الشاهد من كلامي انه التجمع والقروب هنا في المنتدى بيحمسنا مع بعض ومايخلينا نكسل ع الرياضه ..بحيث ننزل وجباتنا وايش سوينا رياضه وكمان نقيس اوزاننا كل اسبوع ونرسلها .. بشوف مين بيدخل معانا وابغى الجاده اللي بتقول معاكم وبتكسل وتسحب رجاءا لاتدخل وتضيع وقتنا لاني بسجل الاسماء وكل يوم لازم تسجلين دخول وتكتبين لنا جدولك اليومي ايش افطرتي وتغديتي وتعشيتي وايش سويتي رياضه وهكذا وايش خبصتي فيه بعد في حال راودتك نفسك ع الاكلات والحلويات😄😄 ..
والله يابنات انا من الناس الكسوله وامل بسرررعه بس لاحظت القروب جاب نتيجه معي والله ..
وراح انزل لكم الرياضه اللي فادت معي والوجبات كمان لاني ابشركم نحفت ووصلت للوزن اللي ابيه بس اهملت برمضان والاعياد كلها وتركت الرياضه وسمنت حبتين وبصراحه ندمت .. ف حابه ارجع من جديد ..
وباذن الله ان شفت العدد يستاهل اسوي تجمع بنبدا الاحد اما اذا اقل المعذره .. من اللحين الى يوم الاحد بنشوف مين يدخل معي ..
انتظركم حوائيات 🤗
الموضوع مغلق