يوميات جرووب التحدي 3 / و يستمر المشوار بعزيمة و اصرار

بحبك كتير بالنسبه للجوع .. اللهم لك الحمد والشكر مااحس فيه ابداً...

سابقا كنت دايم جوعانه والسبب انا لاني كنت حازمه مع روحي وقاسيه ف صار عندي شراهه..

============================

حبيباتي انا قرأت معلومه حلووة وهي ان المخ في 10 ايام يقدر يتبرمج على طريقة معينه ...

انا استفدت من هالمعلوومه في اني اتخلص من حبي للرز فـ بدأت اقلل من كميته شوي شوي


حتى وصلت اني اكل ملعقة وحدة فقط ... بعدها جلست اسأل نفسي

هاللملعقة هذي راح تشبعني..؟ لا ... بس ع الاغلب راح تقلل من نزول وزني

يعني مالها داعي استبدلها بكميه بروتين زيادة ...

سابقاً كنت اكل بالصحن المقسم الجزء الكبير كنت اعبيه سلطه بس كنت اقوم وانا جوعانه .واحس اني

ماكلت شي ..

استبدلت هالطريقة بصحن شوربه وسط اخلط فيه السلطة والبروتين اللي اكله فـ قمت احس

ان الكميه والله كثير واكل بالشوكه وانا مبسوطه ... (العين تشبع قبل البطن ) ...

بما اني مخضرمه في عالم الريجيمات راح اعطيكم شغلات استفدت منها ...

_ لو كنتي مثلي كسوله وماتحبين الاعشاب للامانه انا حتى بنفاسي اتهاوش مع امي عشان الاعشاب ..

فـ مالك عن المغلفات اللي تكون بفتله (يانسون بابونج) هذا اللي اقدر استسيغه ... مجرد انك تحطينها

بكوب ماي حار وتستمتعين باحلى كوب انا بصراحه اعبي لي كوب وانا بالمطبخ احضر الغداء...

تحسسني بالشبع لمدة طويله حتى ع الغداء ماكل كثيرر...

_السلطة ... شقولكم بس اروع شي اكتشفته من فتره فصرت مااشبع لو مااكلها ...

انا مرت كلمت دكتوره تغديه اشتكي لها اقولها ولدي مايحب الخضار والسلطه

قالت سؤال انتي تاكلين السلطه تحطينها ع السفره..؟ قلت لا قالت شلون تبينه يحبها بصراحه تفشلت...

اروع سلطة ع الاطلاق ( خس وخيار وربع فلفل اخضر وشبت نتفه وجزره مبشوره وبصل اخضر ورشة زيت زيتون)

لو حسيتي بجووع نص النهار فكي علبه تونه وحطيها عليها وااو ع الطعم او قطعي جبن ابيض

فوقها وبالشووكه ...واستمتعي بااطعم سلطه حتى تمشي البطن للي عنده امساك وانتم بكرامه ..

الشوربه دائماً وابداً احتفظي بشوربه بثلاجتك ... حتى اخر الليل لافكرتي تخبصين او حسيتي بالجووع

مجرد انك تسخنينها وبكذا سديتي جوعك ومشيتي ع نظامك صح .... (التجهيز المسبق )

_المقاسات دائماً اعتمدي على ملابسك احتفظي بنطلوونك القديم اللي ضاق عليك

وكل شوي جربيه وشوفي شكثر نزلتي ...

انا حالياً ماعندي ميزان اعتمد ع المقاسات بنطلوني مقاس 16 من شهر كان بالقوة يتقفل

الحين صار واسع امشي واشده لفوق ... الحمدلله

هذي بعض الاشياء اللي تحضرني واتمنى انها تفيدكم ...

سلام

موصح ان البروتين يشبع؟؟

انا الي اعرفه ان البروتين في البيض والدجااج!!

وايش كمان مو جو فيه البروتين!!

كيف اسوي لي غداء متوااازن ؟؟

كيف احاااول قدر الامكان ان ادخر نقاااط

عطوني معلومات بليييييز

وش قصت اسحون الي تجي منقسمه

اسفــــــــــــــــــــــــــه اسئلتي كثيره

يوميات الأربعاء
فطور توست 1 + شريحة جبنة + كوفي + اجاصة
سناك: حبة دراق + قطعة كيك زغيرة
الغداء : سلطة خضراء
سناك قطعة حلا وكوفي
العشاء : سلق وعدس ( طبيخ ) + ربع رغيف + حبة كبة
وحاسة بعدم رضى عن هاليوم
الله يعينا

نزف الاهات
كلامك كتير حلو
فعلا أنا متلك ما بحب أشرب أعشاب ولما بدي باخد اللي بالأكياس لأنها خفيفة
السلطة فعلا فعلا بتشبع أنا كنت أجوع نفسي بطريقة فظيعة أثناء الدوام
أرجع عالبيت مصابة بهستيريا
لكن من فترة صرت أعمل سلطة وأخدها معي عالدوام
واكلها عالعصر أو الضهر على حسب البريك
والله صرت أرجع عالبيت نوعا ما جوعانة ومش منصرعة عالأكل

نزف الاهات مشكوره على نصايحك ياقمر

من جد السلطه والشوربه تحسسك بالشبع وفكره حلوه ان الشوربه تكون جاهزه

وشكلي بسوي زيك بالنسبه للنشويات احذفها انا اقدر استغني عن الرز لكن عشقي الخبز الاسمر وقللت الكميه

سرت اكل الربع فالوجبه لكن التوست الاغلب اكل اثنين بس قريت النشويات تناسب التناسليات بنسبه بسيطه هههههه

وكمان بالنسبه للسوبرماركت والسوق سرت احاول اكل فاكهه قبل مااخرج عشان من كثر المشي اجوع لكن بذي

الحركه يقل الجوع فمانشتري الاكل من مطعم