يوميات دبدوبة قبل العيد

الله يقوينا يااارب ♥️

السلام عليكم ورحمة الله وبركاته
مساء النور والهنا
اليوم الاربعاء ..الرياضة تمام بس رجلاي اكرمكم الله توجعني 😭طبعا ديناصور متحرك😁😁😉
الاكل من البيت الضيوف لازالوا عندي ولكن في حدود المعقول الماااء لازم ازيد والنوم اخذت قيلولةو رح احاول انام شوي بكير
وسلامتكم 🤗🤗

وينكم يا بنات يا حلوين عسى غيبتكم على خير وبإذن الله ملتزمين ونشطين💪💪👍🏻👍🏻👍🏻

ربنا يعينك ويقويكي وبالإرادة والعزيمة القوية كل صعب يسهل ان شاء الله

وعليكم السلام ورحمة الله وبركاته
موضوع جميل جاء بوقته
بنات أنصحكم لاتسوّون ريجيم قاسي يؤثّر على صحّتكم ويسبّب نقص حديد ومعادن يحتاجها الجسم
ترى موشرط تنزلون ١٠ كيلو بشهرين
٤كيلو بتفرق معاكم وبتتشجعون على الإستمرار أنا أختي سوت دايت عند دكتور ونزلت ١٠كيلو ب٣شهور وصار معاها فقر دم طبعاً صرفلها الدكتور حبوب وفيتامينات
بنات احنا محتاجين صحّتنا
لازم نتّبع نظام غذائي مدروس عندكم الدكتوره سالي فؤاد حيل استفدت منها لها برنامج تابعوها عاليوتيوب تستضيف بنات كانت أوزانهم كبيره واتّبعوا نظامها واضعفوا ماشاءالله
للأمانه جتني فتره ضعفت وقمت ألبس اللي بخاطري وشكثر يسألوني مسويه دايت
شنو كان نظامي قطعت الخبز الأبيض بأنواعه اعتمدت على خبز النّخاله والبر بالحبوب وركّزت على السلطات والفواكه قبل ما آكلهم بكثره
وحرصت على شرب ٨ قلاصات ماي أقل شي في اليوم وأهم شي وجبة الفطور والغداء وأخفّف وجبة العشاء أحاول من بعد الساعه ٨ماآكل ممكن أشرب نسكافيه
والأكل مشوى ما أقليه
والحلويات قلّلتها جداًّ واستبدلتها بدايجستف اللايت والأهم اللي يغيّر شكل الجسم رياضة الخواصر والمشي على الأقل ٤مرات بالأسبوع أهم شي الإستمراريه
وبعد كل وجبة ثقيله أشرب زنجبيل مبشور مع شريحة ليمون أحطهم بكوب وأضيف لهم ماء مغلى وبعد نص ساعه أشربه تحسّين ينظّف الجسم من الدهون
مافي شي صعب بس لازم إراده واستمرار 👍